楊秀惠打爛花瓶 啟蒙做反派

http://orientaldaily.on.cc/cnt/entertainment/20140417/00282_043.html

    藝員楊秀惠在無綫新劇《叛逃》中打破過往「花瓶」形象飾演奸到出汁的大
    反派，秀惠也擔心形象大轉變引起觀眾反感，她說：「啱啱出街嗰套《單戀
    雙城》都係好乖嘅角色，今次好奸，劇中不斷陷害蒙嘉慧，都驚出嚟畀觀眾
    鬧。」雖然怕大奸角引起觀眾反感，但秀惠覺得也應該有突破演出，她說：
    「以前做啲角色都係靚靚討好嘅，今次又要打、又要開槍、仲要奸到出汁發
    揮機會都好多，自己就嚟入行十年都唔可以一路做花瓶，都係時候要有啲突
    破演出。」

    秀惠角色硬朗又打得，動作場面連場，原來秀惠的硬朗演出師承蒙嘉慧，她
    說：「自己入行頭幾套劇都係同蒙嘉慧拍，當時已經覺得佢好硬朗、好有
    型，自己都刻意模仿佢，佢對我影響好深，連阿媽都話我上鏡有蒙嘉慧嘅影
    子。」

    色誘黎諾懿尷尬
    劇中楊秀惠為達到目的不惜犧牲色相誘惑黎諾懿，激情戲火辣辣，因與黎諾
    懿熟稔故拍攝時十分尷尬，她說：「大家太熟反而唔知點投入，拍嗰陣係咁
    笑，佢都知我緊張，好彩冇NG，佢仲笑我太過猴擒，如果再有機會拍我含蓄
    啲，哈哈。」