同《西遊記》平起平坐《點金勝手》衰喺邊？

http://tinyurl.com/mcrhc79

《點金勝手》上個禮拜平均收視得22點，竟然同膠劇《西遊記》一樣！演員陣容都算強勁
啦，點解會搞成咁架？

1. 報仇formula無限loop

TVB嚟嚟去去都係嗰啲咩親人死咗 - 個女埋仇人身報仇 - 又愛又恨果啲啦。呢套又係三
角戀，又係報仇，你唔悶我都悶啦，觀眾估到晒啲劇情仲點會同你坐定定喺度追劇呀！金
融題材係新鮮，但內容唔新有咩用呢？


2.重口味

重口味場面係呢套劇都唔少吓。就例如今個星期第11集，先有徐子珊咀Toby，五分鐘後再
到胡定欣咀徐子珊，會唔會太密？

3．選角唔掂

唔關演技事，好多人都覺得黃宗澤唔太適合做金融才俊。徐子珊啲表情又唔知佢想點咁，
最出事係黃宗澤個妹，演技實在太幼嫩。其他演員配搭又見慣見熟，叫人點投入先？

4 接住膠劇《西遊記》播

《點金勝手》接住神級膠劇《西遊記》播可能都係死因之一。《西》已經拖冧叫好不叫座
嘅《女人俱樂部》，就連《愛．回家》穩陣徘徊喺24-25點嘅收視都被拖累到得22點，真
係唔好睇少佢嘅威力！