阿佘拜神至講

2010/09/04 忽然一週788期

"阿佘同陳自瑤各自揸住撮香，但又唔去裝，反而手拖手傾到雞啄唔斷。其實佢哋開工日
日都見到，點解呢個時候至嚟傾？"

上期報道過佘詩曼喺《公主嫁到》記招上變剩女，冇人理睬。其實阿佘同圈中人，尤其女
藝人冇乜兩句已經係公開嘅事實。不過，上周三（ 8月 25日），佢喺《花花世界花家姐
》嘅拜神儀式又唔同晒，裝香時就同陳自瑤傾到冇停嘴，到燒元寶時就同梁靖琪雞啄唔斷
。吓，點解平時冇偈傾，到拜神嗰陣至咁多嘢講？奇怪！

到燒元寶，阿佘又同梁靖琪傾到唔收口，唔記得咗去燒元寶。

監製關永忠（左）切燒豬手起刀都未落，阿佘已搶先搣塊燒豬皮食。要 keep fit嘅林峯
（右）得個睇字