阿佘、林峯勁抄劉德華、吳倩蓮
2010-10-02 忽然一週 792期
《花花世界花家姐》相似度 99%
《天》中，劉德華臨死前與吳倩蓮着住結婚禮服飛車呢場戲，可以列入港片十大經典場面
。
《花》劇中，林峯同阿佘同樣着住禮服飛電單車，唯一唔同係安全啲，戴咗頭盔。
無綫繼《談情說案》俾人鬧爆係抄日劇《神探伽俐略》後，下周出街嘅《讀心神探》，劇
未播又已俾人篤爆係抄美國劇集《心計》。但 TVB似乎冇引以為恥，繼續抄得就抄。
上周六（ 25日）媽咪姐喺灣仔撞到 TVB新劇《花花世界花家姐》開工，拍攝一場林峯同
佘詩曼揸電單車嘅場面。
阿佘勁抄劉德華吳倩蓮
媽咪姐一睇個場景同兩個演員嘅造型，熟口熟面到爆燈，旁邊嘅圍觀者亦話：「咦，《天
若有情》拍電視劇呀？」咪就係囉，林峯同佘詩曼完全係《天若有情》中劉德華同吳倩蓮
嘅翻版。
嗱，抄日劇抄美劇，都話博有啲觀眾冇睇外國劇吖，但《天若有情》係香港嘅經典電影，
雖則係 89年之作，但戲中劉德華同吳倩蓮着住禮服飛電
單車嘅場面，真係唔會唔記得囉！
吳倩蓮 劉德華
嘩，使唔使抄到咁足呀！（設計對白）
《花花世界花家姐》相似度 85%
另一場，林峯同阿佘 casual look飛車，亦似足《天》嘅場面，連只得女方戴頭盔都一模
一樣。
其實電單車係固定喺一拖車上，兩人只需俯身向前便有飛車效果。
拍攝期間林峯勁姿整，不時烏埋塊倒後鏡度睇吓自己夠唔夠靚仔，阿佘都頂佢唔順。
拍完後，阿佘即走人，林峯就留低擺甫士俾街坊任影唔嬲。