《花花世界花家姐》佘詩曼女版阿旺浮誇遭圍插

東方日報 2011/05/20

視后佘詩曼為求突破，在新劇中演智障人士，惟外界反應毀譽參半，演技捱批，被指造作
及模仿「女版阿旺」，似足「花瓶」，令她爭奪今年視后出現暗湧，該劇更被指侮辱智障
人士！

已離無綫北上外闖的佘詩曼，在剛播出的無綫新劇《花花世界花家姐》中飾演智障人士「
花家姐」，難度甚高，相當考演技，令她有機會憑《花》劇問鼎今年視后寶座，惟劇集播
出以來，外界反應好壞參半，令其視后之路添變數！

無綫廣管局接投訴

無綫接獲兩宗投訴，指阿佘不適合演弱智人士，以及扮郭晉安在《阿旺新傳》中的「阿旺
」，廣管局亦接獲投訴，指《花》劇演員以劫匪打扮到銀行提款，教壞小朋友。而網民在
討論區也議論紛紛，有網友斥無綫侮辱智障人士，認為劇集內容誇大，令智障人士看後不
開心；同時他們指「女版阿旺」欠新意，更批評阿佘演技作狀，但亦有視迷撐阿佘，指她
將角色拿捏準繩。

本報記者致電勵智協進會，負責人陳小姐表示有留意《花》劇：「我做咗20幾年義工，好
清楚智障人士由細到大嘅變化，我有睇佢演出，但行為唔似，完全唔係嗰回事，佢好似一
個『花瓶』。（智障人士家長有冇批評？）唔係太多，不過家長覺得阿佘好造作，我覺得
佢冇研究過智障人士嘅內心同日常生活情況，演得好浮誇！」

阿佘昨日宣傳電影《人約離婚後》，對於被指模仿「女版阿旺」，她說：「拍嗰陣不斷有
人咁問，但都冇計，觀眾先入為主，大家耐心啲睇。（唔抵？）冇！收視都OK，最緊要有
話題。」問到有否參考「阿旺」揣摩角色？她說：「嗰時我拍緊戲，冇睇套劇，正式收到
《花》劇本時，自己都驚模仿，所以冇睇到。（點揣摩？）有去過智障學校觀察過。」另
外，她透露在《人》片中有大膽演出，她說：「喺戲中同方力申同羅仲謙有少少關係。（
床戲？）對自己嚟講算係大膽，不過大膽係個地方，但唔講得。」

此外，阿佘日前接受ontv《娛樂on Show》訪問時表示，飾演「女版阿旺」是個突破：「
角色幾難做，睇咗太多方法，有十幾種方法但又唔可以溝埋，只可以揀一、兩種，我有選
擇困難症，唔知邊個係最好。」

林峯力撐劇集正面

至於《花》劇男主角林峯在劇中的對白及情節涉歧視智障人士，劇中他向飾演阿佘妹妹的
梁靖琪投訴：「我掂過佢（阿佘）都要用消毒藥水洗手，麻煩你唔好再叫你家姐出嚟！鎖
住佢啦！影響市容，搞到我食唔落飯。」林峯接受電話訪問時澄清：「對白有好多灰色地
帶，大家都好小心處理，套劇係為智障人士平反，雖然阿佘喺劇中智商有問題，但佢仍可
以融入社會，喺Office工作，唔係輕視及睇小佢哋，劇情去到最後會好Warm。」

阿佘無懼被踩，昨日落力宣傳電影。

阿佘落力演出《花》劇，可惜被指演得浮誇！（設計對白）

郭晉安在《阿旺》中的演繹，突出智障人士可愛一面。（資料圖片）

阿佘與小方及羅仲謙在戲中發展「關係」，宣傳時翹實合照。

自爆消瘦不少的Carol封胸現身淪為輸家。

傅嘉莉與羅仲謙在戲中演一對，但沒有親熱戲。


「肥貓」鄭則士：外形差少少說服力！

演智障人士的佘詩曼，演技受批評，被指演技太浮誇，網民認為阿佘演智障人士不及憑同
類角色「肥貓」而大受讚賞的鄭則士。身在內地拍劇的鄭則士昨日表示演智障角色要靠外
表，他稱雖然沒有看過阿佘演出，但很欣賞她對演戲很用心的態度：「演呢啲角色外形都
要有說服力，我成功可能我夠肥！（阿佘太精靈？）之前佢演嘅精靈角色太深入民心，觀
眾認定咗佢某一種形象，所以要佢演低能角色，會差少少說服力。（同你比較差啲咩？）
唔可以人比人，對佢太唔公平，觀眾應該用另一種角度去欣賞阿佘嘅演技。」

鄭則士在《肥貓正傳》中演「肥貓」一角，備受讚賞。（資料圖片）

高難度角色輸贏有眼睇

藝人為突破演技，不介意犧牲色相，演繹另類角色，但未必人人都收到理想效果！

劇集《阿旺新傳》除捧紅演弱智人士的郭晉安「阿旺」外，還有犧牲色相的湯盈盈，她在
劇中醜化自己演李笑好，大獲好評，並在台慶頒獎禮上奪「最佳女配角」。

S.H.E的陳嘉樺（Ella）演《花樣少年少女》，她自爆拍劇三個月要每日紮胸，胸部被壓
扁由C Cup變A Cup，幸好劇集收視和口碑都理想。

胡杏兒不惜在兩個月內增肥四十磅演出《肥田囍事》，可惜演技被彈，06年在台慶頒獎禮
上敗於佘詩曼手上，未能登上視后寶座。

台灣名模林志玲首度參演日劇，與日本紅星木村拓哉合演劇集《月之戀人》，她在劇中放
下靚女形象，以素顏演村姑，可惜收視慘敗。