宣萱、胡杏兒鬥搶

2010/08/29 忽然一周 第787期

諗住交足戲獨領風騷，忽然殺出個胡杏兒，十足好姊妹咁幫手整番。佢哋幾時咁 friend
呢呵！
咁都俾你攝到位！（設計對白）

前文報道過《公主嫁到》嘅阿佘變剩女。另邊廂嘅景象就完全唔同。話說周一（ 23日）
，另一套新劇《萬凰之王》開鏡拜神。套劇叫得「萬凰」，即係好多女角，其中擔正嘅仲
係出名難相處，屢與同劇女演員傳不和嘅宣萱?

不過現場所見，佢同另一女主角胡杏兒就非常合拍。話說當無綫娛樂新聞台嘅記者打算訪
問宣萱時，好巧合咁，宣萱嘅頭飾喺呢個時候跌咗落地。說時遲那時快，胡杏兒即時撲上
前幫宣萱整番好，兩人仲好好傾?。嗱，雖則係你搶我又搶，但有鏡齊齊出，平分春色，
點都好過變剩女呀！

娛樂新聞台記者想訪問宣萱時，佢忽然踎低係咁執。有金執？

原來佢跌咗條頭飾珠釵。