不和升級 宣萱拉隊杯葛胡杏兒

2010-10-09 3週刊574期 http://bbs.ent.163.com/bbs/tvb/188906081.html

無綫新劇《萬凰之王》拍到如火如荼，不過女主角宣萱同胡杏兒嘅不和傳聞同樣越傳越激
。最近，就傳出宣萱拍戲放食飯嗰陣，就拉大隊去Canteen，但係就唯獨唔預宣萱，令佢
哋之間因為搶戲不和嘅事更加似層層。而宣萱更喺微博放咗唔少同其他演員嘅合照，實行
拉大隊杯葛胡杏兒。好似早前宣萱同胡定欣佢哋成班一齊去麥記開餐，宣萱即刻放上網，
胡杏兒見到，多少有啲酸酸哋，咪叫大家下次叫埋佢咯。

不過其實胡杏兒最近因為要忙於唱片嘅工作，好多時要一場趕完又另一場，又要唱歌又要
拍戲，個期自然難「度」喇。所以好多時劇組都要遷就佢，咁令到宣萱拉大隊有晒出師之
名添。

不過其實入面唔少藝員都係「騎牆派」，好似胡定欣咁，拍戲嗰陣時一方面同宣萱親如姊
妹，但係返到屋企又會同胡杏兒喺微博吹下水。好姨就覺得，你哋兩大花旦鬥法，唔好拉
啲細嘅入去喇。

兩大花旦碰頭，年資老啲嘅宣萱號召力當然大啲啦，杏兒都只好以低姿態應對啦。

宣萱不時拉大隊食飯，仲放埋好多同同劇藝人合照上微博，以示她甚得人心。

夾喺兩大花旦中間，胡定欣一於做「騎牆派」，明跟宣萱，暗冧杏兒。

有傳佢哋不和主因係搶戲同埋成日要就胡杏兒嘅度期。咁又難怪杏兒，因宣萱叫麥記食無
預杏兒，搞到杏兒要開口叫下次預埋佢。

開戲之初，宣萱就因為合照時俾人逼走咗企旁邊，心情唔多好。杏兒當時都好識做，即刻
拉番佢埋去中間。