《隔離7日情》酒店場景慳水慳力

3周刊 http://bbs.ent.163.com/bbs/tvb/173713475.html

由陳總傳聞中嘅愛將馬浚偉、鄧健泓主演嘅無綫新劇《隔離7日情》，冇因為陳總涉貪污
被捕而停拍，並且加入黃宗澤、胡杏兒、郭羡妮幾個小生花旦正式開拍。

上個禮拜，眾演員齊集電視城13廠進行拜神儀式，套劇係擺明重提去年灣仔維景酒店因豬
流感而封閉成個禮拜單嘢，但無綫當然冇可能租一間酒店拍攝，惟有盡用廠景扮酒店，連
酒店外觀其實都係電視城大樓，酒店大堂就用咗行政大樓嘅lobby，至於酒店內部嘅房間
、走廊通道等等，就喺番13廠裏面拍攝，唔似得以前《酒店風雲》咁有成間酒店任拍，全
部酒店套房嘅設備都係靠道具搞掂，據劇組人員透露：「嘩，你估依家喺出面book一間酒
店拍嘢好平呀？同埋公司一向都好識得利用資源，慳得就慳啦。」其實套劇開得成已經執
到，重邊有可能使錢book酒店拍嘢，希望將來唔好變倉底劇重好啦。


上個禮拜，《隔離7日情》眾演員喺13廠進行拜神儀式。

電視城行政大樓lobby認真好使好用，先有《畢打自己人》經常喺呢度拍，依家又輪到《
隔離7日情》，真係一啲都唔?。

鄧健泓喺劇中飾演酒店bell boy，盛傳係陳總愛將嘅佢唔知有幾重戲份呢？

劇組人員忙於搭建酒店走廊佈景，就連牆壁嘅掛畫都要左揀右揀，實行做到真嘅酒店咁。

郭羡妮企嘅位置其實係13廠入面，唔講重以為係一間五星級酒店嘅客房添。

黃宗澤身後就係其中一個住家廚房景，大家睇吓啲用具齊唔齊全？

劇組人員連房間都佈置得好似大酒店嘅五星級房間咁。