馬仔條氣唔順

2011/02/20  忽然一周812期

不過佢好專業，翌日帶病出席活動，唔知嘅一啲都睇唔出佢有病。

馬仔擔正嘅劇集經常喺炮灰檔出街，佢條氣唔順，早前已炮轟過 TVB。其實佢真係一向「
唔順氣」，事關患有氣管敏感。周日（ 13日）天氣轉冷佢就突然發病，氣管收縮到幾乎
唞唔到氣。呢種唔順氣認真大件事，嚇得佢立即撲去醫院打針，即刻順番條氣。

周一情人節（ 14日）佢仍然聲沙沙，但一早應承咗為林村許願節篝火晚會出任表演嘉賓
，惟有頂硬上。馬仔同媽咪姐講：「其實我有睇中醫調理身體，但氣管敏感病發就一定睇
西醫，因為我好驚會窒息，仲想叫醫生幫我打多幾針，希望快啲好番！」

13日，馬仔將自己個病樣上載到微博，仲猛呻好辛苦。

佢同呂慧儀（右）合演嘅《隔離七日情》檔期差但收視最高達 36點。換轉喺好檔上，收
視應該仲好，難怪馬仔條氣唔順。