廖碧兒向鄭嘉穎哭訴心事

2010.07.21

鄭嘉穎與廖碧兒日前於油麻地一公園內拍攝新劇《居家兵團》，場口講廖碧兒一時感觸伏
在嘉穎的膊頭啜泣，她於正式拍攝前在一旁培養情緒，結果一次便收貨。問到嘉穎與出名
嚴謹的阿姐汪明荃合作得如何？他說：「其實阿姐都係認真，只要準時，睇好晒劇本就冇
問題，我反而覺得佢幾好玩同講得笑。」

廖碧兒拍劇倚在鄭嘉穎膊頭啜泣。

早前有指廖碧兒揮低佘詩曼搶回陳豪，問到嘉穎可會安慰阿佘？他不欲多說：「冇見過佢
，見到先啦。（打電話畀佢？）唔需要，煲水新聞！（好朋友都唔打個電話畀佢？）唔會
無喇喇同佢講呢啲嘢。」廖碧兒則一笑置之：「冇贏冇輸，其實嗰陣係啱啱有活動搵我同
陳豪一齊出席，大家都係工作。」對於今年視帝是否撐陳豪？她表示未必，因為與黎耀祥
很好朋友，更常稱對方為「阿哥」！