鄭嘉穎火龍三兄弟

2010/08/13 壹週刊1066期

唔…正！（設計對白）
拜完神，鄭嘉穎同阿姐一齊等緊攞燒肉，而曹永廉（白圈）就一馬當先生剝火龍果慢慢歎
。

無綫新劇《居家兵團》上個禮拜四（八月五日）舉行開鏡拜神儀式。有份拍嘅鄭嘉穎，開
工期間遇着戴思聰病逝，兩師徒昔日恩怨再次成為話題，鄭嘉穎強調自己身經百戰，是非
新聞唔會影響拍攝心情，反而因為就快煞科，好唔捨得班對手。

俾人話教識徒弟無師傅，鄭嘉穎兜個圈講到自己重情重義，八珍斷估佢無咁好急才，不過
拜神當日，鄭嘉穎同曹永廉的確好好感情，一個火龍果，你食完一啖，我又咬一忽，之後
洪天明埋嚟，索性 3P，三兄弟輪流交換口水一齊食。

爽！（設計對白）
鄭嘉穎同洪天明先後埋去黐嚟食，曹永廉索性剝多個，驚唔夠分。

洪天明帶埋兩隻狗返工，仲叫埋鄭嘉穎幫手「湊仔」，果然好兄弟。