靚靚發功 張智霖爭贏主題曲 謝天華酸溜：我咪做其他嘢囉

忽然一週 第811期  2011/02/13

你兩公婆玩晒啦！（設計對白）

新劇《魚躍在花見》剛於周一（ 7日）播出，演員中以外援張智霖（ ChiLam）的生鬼演
出最討觀眾歡心。據知 ChiLam除收 100萬拍此劇外，老婆袁詠儀（靚靚）更為夫發功，
承諾自己再為《魚》劇監製莊偉建拍劇，換取 ChiLam唱主題曲。原定唱《魚》劇主題曲
的謝天華大失所望，酸溜溜向本刊回應：「我冇份唱咪做其他嘢囉！」

ChiLam曾說過出唱片有老婆靚靚做 QC先出得街，原來今次接拍《魚躍在花見》，靚靚亦
有幫他?着數。 TVB中人透露：「 09年中，監製莊偉建搵 ChiLam拍《魚》劇，因為靚靚
之前拍過莊偉建套《富貴門》，大家好 friend，於是靚靚直接同莊偉建傾條件，要求佢
將主題曲俾 ChiLam唱，又想套劇拍住 ChiLam個唱同期出街，而靚靚就答應遲啲幫佢拍劇
補數。莊偉建見靚靚自動獻身，咪應承佢囉，不過就犧牲咗天華。」

據知無綫親生仔謝天華得知後非常失望，曾向傳媒露口風：「主題曲原本我唱，不過
ChiLam喺劇中做我細佬，我讓俾佢唱。」

據知《魚》劇原先安排於去年暑假播出，夾正 ChiLam個唱期，豈料他的個唱延至今年 3
月才舉行，《魚》劇亦改於 2月播出， TVB確實相當幫手。

我都係執首歌仔唱吓啫！（設計對白）

多謝 Laughing哥禮讓！（設計對白）

袁詠儀誕下囝囝慕童，同老公張智霖經常高調三人行出巡，大晒恩愛。

早前張智霖同謝天華為《魚躍在花見》宣傳，不過同場冇乜交流，張更全程黐住杏兒。


謝天華句句有骨


宣傳會上，張智霖同謝天華交足戲扮不和，估唔到背後真有暗鬥。

對於《魚》劇為遷就 ChiLam個唱宣傳期而改期播出，監製莊偉建大耍太極：「套劇上年
 2月拍完，做埋後期都 9月，咪揀咗呢個檔期（ 2月）播囉。」當記者問到天華自爆原本
係佢唱主題曲，點解變咗 ChiLam唱時，他即維護 ChiLam說：「主題曲好早定咗係
 ChiLam唱。」

至於輸給 ChiLam的謝天華，則酸溜溜回應：「主題曲實要人唱，冇份唱嗰個咪做其他嘢
幫手宣傳囉！」之後他又有骨話：「咁 ChiLam唱歌係幾好聽，嚟緊佢又開演唱會，可能
一早鋪排定呢！」直指《魚》劇出街時間和 Chilam開騷時間夾定。

而對於靚靚幫手傾拍劇條件， ChiLam就例牌否認：「冇件咁嘅事，靚靚唔會干涉我嘅工
作。」


管家婆靚靚 擊退情敵

08年，無綫搵 ChiLam拍《戀愛星求人》，有傳靚靚得知女主角是曾與他傳緋聞的佘詩曼
時，即向無綫高層施壓，指 ChiLam不會同阿佘合作。其實 00年 ChiLam同阿佘拍《十月
初五的月光》爆出緋聞時，亦傳過靚靚不時監場探班，相當緊張。

幫夫傾約

03年， ChiLam同舊經理人陳淑芬約滿，改投王家衛旗下的「澤東」。簽約前， ChiLam靚
靚曾被傳媒拍得與王家衛夫婦到酒店食飯兼商量大計，有傳靚靚有份拉攏合作事宜。

撰文：娛樂組
攝影：攝影組
部分圖片：《蘋果日報》