胡杏兒輕手執囧樣

2011/05/12 壹週刊1105期

同 Chilam合照，下巴尖咗唔少嘅胡杏兒一笑，個樣竟然變咗李冰冰。

無綫副行政主席梁乃鵬，上星期五（五月六日）喺將軍澳電視城西餐廳搞 party，招呼已
經播完兩個月有多嘅《魚躍在花見》台前幕後食番餐，有心唔怕遲。

老細請食飯，兩大花旦胡杏兒、楊怡同男主角張智霖都有到，尤其胡杏兒，除咗陪住梁副
主席坐一枱，又專登戙喺入口，恭迎有份幫佢管束男友黃宗澤嘅高層樂易玲大駕，十分識
做。

雖然兩個都係無綫親生女，但楊怡近年上得好急，仲要演技有人認同，呢幾年得個囧樣嘅
杏兒，見自己拍埋拍埋好幾部戲都未有機會出街，唔騰就假。

除咗落力侍候高層，二五話胡杏兒仲學埋楊怡玩執樣改運，不過就只係先試吓改造下巴呢
類輕手嘢，整少少，等個囧樣慢慢變，費事好似個鼻愈變愈高嘅楊怡咁，即刻變巫婆，咁
覺眼喎！

梁乃鵬喺公司位高權重，握手陪坐，做齊。

無情情企响入口做知客，胡杏兒執正恭迎樂易玲。

藝員擦高層天公地道，但是日樂易玲玩親民，同 Chilam握完手，又即刻走埋去問候就嚟
生得嘅大肚姚瑩瑩， very nice！

劉松仁篤住楊怡係咁笑，又係喎，佢個鼻見一次高一次，自己友都忍唔住啦！