黐清洪師徒上位 陳展鵬霉足 17年怒轟亞視

http://fatzone.org/news1/apple/art_main.php?iss_id=20110729&art_id=15474474
2011/07/29 蘋果日報

運動員出身的陳展鵬自詡非虛有其表，他也十分注重內涵。

陳展鵬霉足 17年，直至近日才憑無綫劇集《真相》展翅上位。回想當年備受冷待的日子
，展鵬炮轟亞視制度常變，令他心灰意冷。問到可覺終於爭番啖氣時，展鵬笑說：「絕對
有。」

陳展鵬曾是香港乒乓球代表隊隊員，跟齊寶華、陳丹蕾一起作戰； 94年加入無綫藝員訓
練班，兩年後獲寶麗金簽約做歌手，只出了 4首歌便因寶麗金與環球合併不獲簽約告別歌
手生涯，轉投亞視當小生。可惜，就算展鵬在亞視擔正，觀眾也未必記得他的名字，反而
 08年重投無綫當閒角，才逐漸為觀眾熟識，近日首度擔正做主角的《真相》，更令他人
氣大升。

「冇晒衝勁冇晒火」

34歲的展鵬日前接受專訪，問可覺自己終於爭番啖氣，他笑說：「絕對有。好多人成日話
我得外表，其實我係運動員出身，注重內涵多啲。」入行 17年，展鵬不諱言曾感心灰意
冷：「一直以來好似有好多機會，但永遠都係差緊啲嘢。以前喺 TVB就算做個好小嘅角色
，都會有人認得，去到寶麗金，外界對你嘅注目都會強啲，但原來離開 TVB或者寶麗金之
後係冇人理你，好唔開心。有時出席首映禮，又冇人理你同你影相，好 hard feeling，
所以之後我索性竄去洗手間匿埋，等開場先入去。」

當年離開亞視原因，展鵬坦言：「亞視最大問題係制度成日變，有段時間我係打份工就算
，冇晒衝勁冇晒火，所以好多朋友叫我去另一空間去進步去學嘢。」

曾在亞視打滾的陳展鵬憶述當年做到意志消沉，難得如今吐氣揚眉。電視圖片

陳展鵬（左）演律師入型入格，全靠向大狀好友偷師。《真相》劇照

與姚佳雯玩地下情

有指姚佳雯跟陳展鵬拍拖兼同居兩年，為保事業對外宣稱已分手。資料圖片

展鵬在劇集《真相》飾演的律師角色入型入格，原來拜律師好友所賜：「我同清洪同埋佢
以前嘅徒弟龍宗瀚好熟，識咗 10幾年，阿龍係林黛個仔，以前做師爺，我同佢哋成班律
師、師爺成日一齊飲嘢，喺佢哋身上學到好多嘢，今次我做律師，都有問佢哋好多意見 o
架。」

此外，陳展鵬被爆曾跟 08年亞姐冠軍姚佳雯拍拖，有指兩人早已分手，但昨日有消息指
二人其實拍拖兼同居兩年，轉玩地下情保前途。
採訪：戴彩煥 攝影：陳俊強