港版《人間交叉點》 陳展鵬孭飛尋《真相》

忽然一周830期

陳展鵬飾演劉思傑（右），係資深大律師侯伯勤（鍾景輝飾）得意門生，為人低調、富
正義感。而表面 hea爆卓少謙（黃浩然飾），實則心細如塵，往往會在絕境之中搵到致
勝關鍵。

不得不歎句，無線對法庭戲真係情有獨鍾。《怒火街頭》已經係啦，點知接佢檔的新劇
《真相》又係講律師、講法庭。不過你可以咁講，《怒》係以一個麻甩律師為中心，而
《真》呢，係講楊怡、陳展鵬、阮兆祥及黃浩然幾個性格截然唔同的大律師，對每單案
件背後真相、以及審判過程的不同睇法。

對於《真》劇，可以撇除熟口熟面的劇情，撇除見慣見熟的楊怡。此劇另有一大亮點，
就係男一號並唔係上緊位的黃浩然，反而係綠葉王陳展鵬。呢個都可算係《真》的另一
個突破。

陳展鵬 08年重返娘家無線後，雖然演出過唔少劇集，可惜都只屬二或三號主角，冇一套
令佢彈起，直到舊年，可謂時來風送滕王閣，俾監製王心慰睇中，搵佢拍住一姐楊怡，
擔正《真相》。難怪陳展鵬自言一方面感激王心慰，另一方面因對手都係阿哥阿姐，壓
力好大喎。

25集的《真相》，除了陳展鵬、楊怡、黃浩然，阮兆祥、唐詩詠及黎諾懿幾個主要角色
外，其餘李司棋、馬國明、陳茵媺、田蕊妮則係串星，每人客串一、二或三集不等。

《真相》劇情亦唔係慣常連續劇形式，而係每集都有唔同的故事。主要內容唔敢話抄，
只能話有日本漫畫《人間交叉點》影子，因為都係以人性為主。講亦正亦邪、做事鍾意
踩鋼線、為勝訴不惜身犯險境?大律師劉思傑（陳展鵬飾），專利用法律罅為無辜的人
脫罪。

而佢老友、亦係思傑律師樓業主卓少謙（黃浩然飾），雖擁有大律師資格但又從未上過
庭、但為了討好出身法律世家的女大狀康芷欣（楊怡飾），逼住作出零的突破，誰不知
竟然在法庭上贏盡掌聲。但他們的老友、有「倒霉大狀」稱號的韋文瀚（阮兆祥飾）就
冇佢地咁好彩，事關韋的仕途歷盡坎坷之餘，仲衰到要靠阿媽接濟度日，之但係唔知撞
佐咩邪，一單拗口劖手、外界睇黎輸硬的官司落係佢手……。

以無線劇集公式，愛情線必不可少，於是乎往後劇情就會出現楊怡、陳展鵬及黃浩然；
唐詩詠、陳展鵬及楊怡的三角糾紛。想知點收科？追查《真相》。



******************以下有雷******************




韋文瀚（阮兆祥飾）雖然資質平庸，但亦將勤補拙。跟思傑、少謙為出生入死嘅戰友。

康芷茵（楊怡飾）出身法律世家，為人敢言；見習律師潘巧茹（唐詩詠飾），個性爽朗，
惟偶爾出現大懵情況，但對法律充滿理想。

思傑阿媽娟（馬海倫飾）知道咗思傑竟然將老竇留低嘅物業轉送咗俾呂珊飾演嘅小三後，
遂上門逼小三交還業權，糾纏間雙雙墮樓。

李司棋喺劇中客串三集，飾演長期俾老公（王青飾）虐待嘅可憐女人。

近期人氣極旺嘅陳茵媺亦喺劇中客串，飾演俾販賣鹹濕光碟嘅印巴青年強姦嘅電視台姐
仔Iris。

會計師江洛文（馬國明客串）本為潘巧如男友，但被發現替黑幫做假數之餘，更被指為
一宗謀殺案嘅幕後策劃。而思傑為其辯護，束手無策之餘更差啲被「釘牌」。