C9殺手 霉足 17年 34歲陳展鵬擦掂珍姐翻生

2011/07/06 FACE周刊215期

粉絲影到唔願走，煎 pan非常有耐性地做人肉布景板，更搭住女粉絲膊頭（右圖），冧死
人咩！

法庭劇一套接一套，《怒火街頭》做完又到《真相》出街，無綫仲玩驚喜，搵 34歲陳展
鵬（煎 pan）擔正做男主角，戲分多過黄浩然。

其實，陳展鵬 94年已在無綫藝員訓練班出身，做過零碟歌手又撈過亞視，霉足 17年的煎
 pan， 08年回巢無綫後開始發力， 3年內拍了 16套劇，產量驚人。

忽然升呢，據知煎 pan深明識做人好過識做戲的道理，一有時間即上無綫製作部 7樓打躉
，圍住班監製飲茶灌水，尤其得到高層珍姐曾勵珍愛錫，珍姐更照抄當年師奶殺手吳啟華
靠程至美彈起之路，落order力捧同樣 sell專業形象的煎 pan上位。

《真相》首週最高收視 31點，陳展鵬亦憑靚仔律師一角成為女人湯圓，上週在電視城門
口被一班女粉絲截住傾偈，陳相當識做逐一合照。

第 7期藝訓班（ 94年）出身的陳展鵬，當年同期只有劉愷威較出名，以陳展鵬 5呎 9吋
煞食身形兼生得靚仔，絕對有條件紅過林峯。

珍姐認為陳展鵬氣質同吳啟華相近，有意捧佢成為「程至美第二」。陳在劇中做踩界律師
，更會同唐詩詠及楊怡搞三角關係。

喪請飲茶

可惜有樣冇人照，撈唔掂無綫的煎 pan轉型做歌手，偏偏加盟寶麗金（環球唱片前身）後
因合約問題而被公司放棄，未出碟已失業，惟有過檔亞視拍劇同狂接爛爆港產片。霉足多
年， 08年決定返回無綫。明知冇得再輸，煎 pan回巢後表現積極，上至監製下至 PA都照
冧，非常識做。

「煎 pan把口 ＊過油，好世界仔 o架，成日見佢上 7樓（製作部監製樓層），見邊個監
製得閒就過去吹水，閒閒哋都吹半粒鐘，明明有時攞完劇本走得，佢都要捉住 啲幕後落
 canteen飲茶，對人好有禮貌，呢啲咪識做人囉！」幕後人員透露。

車氹楊怡
冧女有一手，煎 pan上週喺中環做完新劇宣傳後，與楊怡等人同車，煎 pan全程不停講笑
氹楊怡，好有潛質做「姐仔屠夫」！

三劇在手
《回到三國》由劉家豪監製，家豪哥屬珍派，所以飾演周瑜的煎 pan戲分唔少。

做完律師，煎 pan在王心慰的《 ATF反恐》做反恐部隊，戲分僅次吳卓羲。

唔使再做奸角的煎 pan，在梅小青部《法證 III》做重案組阿頭，亦係張可頤男友。

珍姐錫晒

TVB一度力捧黄浩然（右）上位，可惜黄始終唔肯簽經理人合約， TVB惟有轉捧親生仔陳
展鵬。兩人上週宣傳《真相》時亦面左左，甚少交流。

氹掂米飯班主，煎 pan再踩行油埋珍姐堆。貴為戲劇製作總監，珍姐幾乎想捧邊個就邊個
，佢睇中煎 pan外形討好，可塑性又高，最緊要係冇乜緋聞又聽教聽話，於是下旨要開劇
捧新仔。

除了在首次擔正的《真相》做律師，煎 pan現時仍有 3套劇排住隊出街，包括《法證先鋒
 III》、《 ATF反恐》及《回到三國》，咁 啱 3齣劇集的監製全屬珍派，而且煎 pan戲
分唔少，僅次於第一男主角。

面對傳媒，煎 pan一樣擦鞋冇手軟，接受訪問時狂冧高層，「真係好多謝監製王心慰畀最
多機會我！我返 TVB後見番班同事好親切，愈拍愈起勁，而且同楊怡、李司棋合作，學到
好多！」

有幸成為珍姐新寵又識講嘢，莫講話拍劇，今年台慶要贏獎都冇難度啦！

林峯師兄
第一次擔正做主角的陳展鵬，雖然至今仲未站穩，但原來煎 pan係 94年第 7期藝訓班出
身，林峯都要叫佢做師兄。

旅遊期
過檔亞視後，煎 pan主要負責主持旅遊節目， 04年拍《台灣溫泉之旅》時更全裸浸溫泉
，在鏡頭前露股罅。

三級期
撈極唔起靠接爛片開飯，更拍過幾齣三級片，如《強姦陷阱》和《新羔羊醫生》等，但煎
 pan冇裸露激戰場面，最多只係露上身同林美貞咬唇。

模期
02年過檔亞視前做過 model，但同樣紅唔起，只在時裝展等小型活動行過騷。

歌手期
98年簽約寶麗金，與謝霆鋒是同屆男新人，可惜與公司關係唔好，其間同徐子淇拍過 MV
，但冇得出碟， 99年解約。

瘟女期
煎 pan出道多年幾乎零緋聞，據知 08年曾與亞姐冠軍姚佳雯拍拖，更發展到同居階段，
但煎 pan回巢 TVB後，去年二人已分手。