楊怡演Miss戲假情真變社工

2010/07/27 星島日報

楊怡、吳卓羲（Ron）、陳豪及鍾嘉欣昨為《點解阿Sir係阿Sir》劇集拍保齡球場戲分。
穿高跟鞋的楊怡打球時險滑倒，劇中她飾演老師，與陳豪、Ron及鍾嘉欣發展四角戀，「
嘉欣係保齡球老師，教一班學生打波；我就教通識科，劇中反映好多青少年問題，自從做
咗Miss後，朋友口的仔女及姨甥仔遇到問題，我好似變咗社工咁開解佢口地。」

　　對於黎姿（GiGi）生孖女，她笑說：「戥GiGi開心，打孖上好幸福，可以慳番好多錢
，希望BB健康，會打電話問候。」阿怡本身喜歡小女孩，將來都想第一胎是女，不過做媽
咪責任太大，事前一定要做足心理準備。

　　另外，阿Ron自問球技不及陳豪，「雖然以前讀書玩過，但唔及陳豪叻，佢打個波會
香蕉形落坑，拍戲講姿勢，落坑與否係另一回事，因為會有教練補拍全中鏡頭。」

　　劇中他與陳豪爭楊怡，暫未知結果，亦不知有否親熱戲，Ron戲言要「冧掂」監製劉
家豪。

　　文：余潤娟 圖：羅安強

■阿怡劇中飾演Miss，但朋友仔女及姨甥仔卻當正她是社工。

■新劇《點解阿Sir係阿Sir》昨日拍攝保齡球場戲分。

■Ron戲言要「冧掂」監製，加幾場與楊怡的親熱鏡頭。