今期流行：叛逆 K4
2011/04/30 蘋果日報 http://tinyurl.com/3zm52fp
樂瞳自嘲中學時是豬扒，但經過化妝技巧變臉，馬上彈出成宅男女神。攝影：林德雄
青蛙可以變王子；豬扒都可變女神。憑無綫劇集《點解阿 Sir係阿 Sir》冒起成宅男新寵
的樂瞳和沒對白的學生妹蔡嘉寶（ Akina），女大十八變。
樂瞳日前接受訪問時，不但自嘲學生時代是「豬扒」，還自揭變靚秘密，她與無綫新人黃
得生、朱敏瀚和羅鈞滿在劇中組成反叛學生 K4，校內橫行霸道，惡出氣勢，人氣力壓同
劇孭飛小生陳豪和花旦楊怡，果然後生可畏。
撰文：比華利
台灣偶像劇《流星花園》捧紅 F4，最近無綫熱播劇集《點解阿 Sir係阿 Sir》也彈出 4
名反叛學生 K4，他們是 3男 1女組合，成員包括樂瞳、黃得生、朱敏瀚和羅鈞滿，其中
樂瞳更升呢成為高登女神，熱爆網絡。 K4日前相約球場鬥一番，樂瞳穿上吊帶裙化身球
證，女神魅力果然沒法擋，三子即暈得一陣陣。
豬扒變臉升呢女神
高登女神樂瞳做球證， K4成員朱敏瀚（左一）、羅鈞滿（左二）和黃得生笑言要跪拜。
《點》劇播出才兩周，由於劇情以校園生活為主，雖然 K4統統是超齡學生，卻因為他們
的反叛行為正是時下學生真實寫照，更受網民注意，其中樂瞳扮演的反叛學生妹還涉援交
，演來入木三分，不過，她再三強調自己中學生活絕對清純，她說：「我家教好嚴，媽咪
唔准我出夜街，喺學校我係『薯仔』，冇乜自信，男同學眼中嘅『豬扒』，佢哋好鍾意整
蠱我，所以出嚟做嘢更發奮要變靚啲，我好用心學化妝，我敢講全身冇做過後天加工。」
樂瞳曾擔心角色乞人憎，天堂地獄懸差一線，她不但搶同劇花旦小生楊怡及陳豪風頭，還
成為高登女神，一切始料不及，樂瞳興奮說：「我演『中女』（劇中花名）呢個角色，冒
好大風險，我預咗出街俾人鬧爆，點知出嚟效果咁好，我真係有少少運。」
朱敏瀚驚得罪宅男
（左起）樂瞳、黃得生、朱敏瀚和羅鈞滿在劇集《點解阿 Sir係阿 Sir》中扮反叛學生
K4，入型入格。電視圖片
身高僅 5呎的樂瞳憑《點》劇升呢為女神，她竟自慚當之有愧，她謙虛的說：「喺我心目
中，女神形象係要高高瘦瘦，頭戴后冠，着條飄逸白裙，至少好似 Angelababy同林志玲
咁，我自問不如，我啱做『乾物女王』多啲。鏡頭以外嘅我，其實好喱啡，我屋企好亂，
食完嘢又偷懶唔執，所以做到好親民。」樂瞳剖白感情生活 dry爆，她說：「我冇拍拖十
幾年，大家咁支持我，難得有機會，梗係專注工作先。」
到底哪一類型男仔是女神心儀對象，樂瞳說：「我欣賞男仔有才華，識彈琴又或者運動了
得，唱歌叻都唔錯。」樂瞳經常與三個「巴打」鬥嘴，若要在他們中挑最有發展機會的，
未知她會選誰？訪問期間，坐在樂瞳身邊、現年 27歲，去年在無綫台慶被抽中 100萬獎
金獎品的「梨渦男」羅鈞滿，在劇中演張柏全一角，似乎對女神最殷勤，不知可是避嫌，
樂瞳偏偏卻揀 K4中僅 18歲、演莫澤基的朱敏瀚，她說：「我未試過同細過我嘅人拍拖，
試吓姊弟戀都唔錯，或者我哋組隊『糖姊弟』。」
朱敏瀚聽到女神欽點卻無福消受，他說：「佢係宅男女神，我唔想生命受威脅。」事關糖
兄妹的糖兄與糖妹的緋聞傳出，馬上被網友插爆，前車可鑑，嚇到朱敏瀚怕怕，寧保獨身
，也不敢冒犯女神。
黃得生校園刨鹹書
樂瞳坦言戲裏戲外，三男對她保護有加，她說：「 Dickson（黃得生）同 Brian（朱敏瀚
）平時好照顧我，佢哋會幫我拎吓嘢， Dickson有時仲會見我忙，買埋嘢畀我食；至於阿
Moon（羅鈞滿）就係 K4裏邊最大嘅一個，佢思想成熟啲，我有乜嘢都會問吓佢意見，大
家商量吓。」
樂瞳坦言期待 K4延續，她說：「我哋 4個都鍾意音樂，希望有機會畀 K4喺樂壇發展，又
或者開《點》劇續集，講 K4大學篇。」
K4男生中以飾演范泰的黃得生走勢最好，在無綫官網人氣排行緊貼樂瞳成為第二位，他說
：「我喺劇中扮 K4最惡嗰個，回想中學生涯，我讀男校，都幾曳吓，會整蠱老師，講吓
黃色笑話，當然仲有偷睇鹹書，呢啲係男校生活必備。」
髮型： Rick Choi of Il Colpo（樂瞳）
服裝： ROXY（樂瞳）
樂瞳（ Cilla）
原名：龔茜彤
年齡： 24歲
入行經過： 06年參加無綫節目《美女廚房》，為美少女廚神參賽者之一而入行。
演出經驗：《仁心解碼》、《宮心計》、《刑警》和無綫遊戲節目《一擲千金》中任千金
小姐等，曾出唱片《乾物女皇》。
朱敏瀚（ Brian）
年齡： 18歲
入行經過：第 24期無綫電視藝員訓練班
演出經驗：《洪武三十二》、《女拳》和《魚躍在花見》等。
羅鈞滿（ Moon）
年齡： 27歲
入行經過：第 23期無綫電視藝員訓練班
演出經驗：《談情說案》、《畢打自己人》和《巾幗梟雄之義海豪情》等，去年台慶頒獎
禮獲 100萬獎金獎品。
黃得生（ Dickson）
年齡： 22歲
入行經過：第 23期無綫電視藝員訓練班
演出經驗：《洪武三十二》、《女拳》和《刑警》等。
Akina港女十式綁宅男
Akina工作不斷，包括將擔任網上遊戲代言人，繼續以可愛冧網友。
近日在《點解阿 Sir係阿 Sir》中有份飾演 5C班同學角色、現職模特兒的蔡嘉寶（Akina
）突然升呢，雖然只是大茄角色，但同樣被網友追捧起底，榮升高登討論區女神，
成為近期熱門話題。
男友禁賣肉
21歲的 Akina做了模特兒 6年，曾拍攝平面廣告，早前與組合 C AllStar拍攝「狂躁港女
當街要男友擲電話」片段廣受關注，她與 o靚模的差別是不賣弄性感，靠可愛嘴臉奪取網
友歡心，最擅長做出招牌港女十式拍照表情，包括咬唇和嘟嘴等，嗲聲嗲氣配上嬌嗔身形
，迷倒不少宅男，她說： 「我冇呢個料子嘛，做咗 6年模特兒，知道人哋比較鍾意我得
意路線，擺甫士都係多年累積起來。」
Akina亦受到同行男友束縛，謝絕性感，她說：「同男友拍咗一年拖，每個男人都一樣，
喜歡喺街上睇女仔着得靚，但唔會鍾意女友着得性感。」提到網民將她與樂瞳相比，
Akina大方說：「我唔介意，劇入面佢飾演刁蠻、援交少女，但我哋相處時佢好 nice。
」
懶理閒言
Akina被網友惡批 chok聲及大起底她中三輟學，但她一於少理：「我係中五畢業，清者自
清，聲線方面我只係正常說話，拍廣告時可能會有改變，本身把聲係尖，冇辦法。」
撰文：卓寶花 攝影：陳俊強
服裝： ROXY
港女影相指定甫士
自知身材平平的 Akina不打算今年暑假出寫真，反以面孔出奇制勝。