吳卓羲嫌徐子珊冇feel

2011/05/13 東方日報

吳卓羲近期異性緣不俗，先後與徐子珊、馬賽、張馨予等名字扯上關係，頓變姐仔殺手，
阿羲笑言並未為此構成壓力，更不會與她們斷絕來往，心懷正念的他還逐一細說三位緋聞
對象，原來統統不是其Cup Of Tea！

無綫小生吳卓羲於劇集《點解阿Sir係阿Sir》與一班後生仔女合作，雖然只30出頭，但從
拍攝過程已感受到與他們有段距離，亦令他回憶起讀書時片段，笑言求學時校規甚嚴，與
新一代相比有天淵之別，阿羲還自爆中一時曾暗戀比他高年級的風紀師姐，不過當時因膽
小不敢主動結識，結果浪費了機會。

談到現實生活，吳卓羲最近備受緋聞纏身，無端端跟徐子珊及馬賽扯上關係，阿羲坦言與
子珊分屬好友，六年前於對方處女作便開始合作，見證她的成長，現在已經稱兄道弟，

他說：「睇到佢性格係點，大家又同經理人，合作機會自然多，私下通電話咩都會講！不
過唔會講識咩男仔，咁當然佢講我會聽，因為我都八卦，（會唔會變情人？）我份人好得
意，如果鍾意個女仔，要有咗第一個感覺先，同子珊識咁多年都係朋友feel，所以唔會囉
！」

吳卓羲揀女友首要條件是講感覺，他直言徐子珊不是他那杯茶。

吳卓羲跟馬賽只曾合作一劇，對於傳緋聞大感詫異。

願公開女友

至於馬賽，阿羲表示只曾與對方合作過一劇，傳緋聞可真莫名其妙；那曾上過他家的張馨
予又如何？近排又被指穿情侶衣服及波鞋，阿羲聞言即一臉冤枉謂：「對鞋係Sponsor架
！咁啲衫來來去去都係嗰幾個牌子啦！唉，係咪藝人就唔可以有女性朋友？唔可以坐隔籬
？呢個根本就係配套，所以依家盡量都唔同女仔單獨出街，但係鍾意嘅女仔就會公開，（
圈中人都得？）你鍾意佢就唔會理，我信自己感覺。」

文：影視組 攝：李柏儒 服裝：izzue
場地：皇家太平洋酒店堤岸酒吧及餐廳

==================================

[太陽報]吳卓羲拒與「珊賽」斬纜
2011.05.13

近期被指是「姐仔殺手」的吳卓羲，終向有關媒體發律師信保清譽，揚言誓不低頭的他，
堅拒與緋聞對象「斬纜」，但直認她們均屬「兄弟Type」！

早前在《巴不得爸爸》中盡展喜劇天分的吳卓羲（Ron），最近在新劇《點解阿Sir係阿
Sir》中飾演嫉惡如仇的警察，喜劇戲份則落在同劇的陳豪身上，Ron笑言不介意：「開拍
頭1、2天都覺得陳豪嘅演技有啲浮誇，之後同楊怡講番都認為陳豪嘅角色以搞笑形式演出
冇問題，結果一如所料受觀眾歡迎！」

暗戀學姐冇膽溝

已脫離校園生活逾十年的他，如今再接拍校園題材故事，令他憶起不少校園時光：「依家
嘅校園生活已經今非昔比，雖然以前校規好嚴，但我都間唔中會同同學搞惡作劇，仲試過
喺天台放紙飛機飛入校長室而畀人鬧咗一餐！」他自爆曾暗戀高年級的學姐，奈何當年因
「怕死」而不敢主動結識對方，白白錯過了一段姻緣。

讀書時期對愛情「鵪鶉」的Ron，長大後卻緋聞纏身，近期與徐子珊及馬賽的三角戀更鬧
得熱烘烘。Ron澄清與子珊自6年前《突圍行動》便開始合作：「我好信自己感覺，如果係
鍾意佢一早拍拖，唔會咁多年都係嗰種朋友Feel啦！講真大家同一個經理人，合作機會多
啲，私下都會溝通。（傾咩？）咩都傾，不過唔會講識咩男仔，咁佢講我都會聽，我都八
卦o架嘛！」

硬食情侶裝死貓

至於馬賽的緋聞更令他大惑不解，Ron坦言雙方只曾合作一套劇集，不明何故被大做文章
。談到緋聞表還有內地女星張馨予，近日更被踢爆穿情侶裝，他無奈地說：「對鞋係
Sponsor囉！啲衫來來去去都係嗰幾個牌子！唉……係咪藝人就唔可以有女性朋友，唔可
以坐隔籬先？呢個根本就係做藝人嘅『配套』，所以都盡量唔同女仔單獨出街，除非有鍾
意嘅女仔就會公開！（女友係圈中人？）你鍾意佢就唔會理啦！」

敢愛敢恨的Ron揚言會公開戀情，莫非暗示已有穩定伴侶？

吳卓羲直言與徐子珊只得兄弟情，完全不過電。