陳豪食住上 主角變戥腳 吳卓羲成肚火

快周刊644期  2011/05/03

《點解阿Sir係阿Sir》播映以來，雖然口碑不俗，且受網民熱捧；不過本來打正招牌以雙
生雙旦陳豪、吳卓羲、楊怡同鍾嘉欣四個孭飛，點知出街卻是「大細超」，Ron粉絲更日
夜轟炸無線網上論壇，怒斥監製不應將Ron當作炮灰，俾陳豪踩住上位，連當事人都忍唔
住大爆貨不對辦！

無線劇《點解阿Sir係阿Sir》首播的頭一星期，均由陳豪由頭帶到尾，與蔣志光對手戲搞
笑抵死，陳豪一眾粉絲當然拍爛手掌，高興都來不及，但另一主角Ron與女主角鍾嘉欣則
在首播後整整一星期才先後出現，而且戲份遠不及陳豪，角色亦沒有陳豪這個戆直臥底般
搶眼。Ron的角色已經輸足成整條街，戲份還要比陳豪少，難怪Ron的粉絲上網聲討，怒插
監製劉家豪不是。

該工作人員表示：「Ron梗係信家豪喇，佢知道接呢個劇之時，都好開心，但點知當收到
劇本時，已經覺得好奇怪，點解自己個角色頭五集都唔見人？但係Ron已經接了呢個劇，
亦唔好意思諸多要求，咪唯有吞落肚，唔出聲扮冇事囉，但其實佢自己心裏有數。」

寧願北上

Ron同無線仍有約在身，唯有硬食忍聲吞氣，不過Ron之粉絲就冇情講，心有不滿即時上網
狂爆，更有粉絲做了一個統計表，要大家投票選出投訴監製劉家豪的原因，而最大的原因
之一，則是監製劉家豪唔識得選角。

該工作人員續道：「所以Ron成日都話，有時間寧願北上拍劇好過，起碼上邊工作，實牙
實齒，價錢又高，唔似呢度，朝令夕改。」

唔怪得近年有人爆料，指Ron其實希望無線多點放人，等Ron可以北上拍劇搵人仔，可以真
正名利雙收。