嗒勻《阿 Sir》三子 雜食樂瞳 港男嫩草補身
2011.05.17 Face周刊208期
原名龔茜彤的樂瞳， 06年參加《美少女廚神》出道， 09年被 DJ Tommy睇中簽約陳冠希
打骰的 CMD，去年出過隻 EP《乾物女皇》，直至喺《點》劇中做中女先至升呢變女神，
25歲嘅樂瞳勝在仲有 baby fat。
25歲樂瞳憑《點解阿 Sir係阿 Sir》援交妹升呢變宅男女神，唔好睇女神細細粒冇乜殺傷
力，實情樂瞳愛雜食，除暗交劇中 K4曳仔成員反枱（黃得生）和宅男（朱敏瀚）半年，
更嗒埋劇中飾演羅樂林個仔、啱啱先得 20歲的港男陳偉洪。
陳偉洪數月前不斷在 WhatsApp和微博向大佢 5年嘅瞳瞳姐姐傳情，女神一撻即着，不過
上位樂瞳寧願將戀情收埋玩，大隻港男卻忍唔住將 WhatsApp短訊炫耀給好友睇，紙包唔
住火。
成功從 K4兵仔堆中奪得美人歸，陳偉洪老實讚女神：「我鍾意佢細細粒。」而樂瞳亦甜
絲絲話：「佢夠高大可以保護我嘛。」唔驚人骨痺咩！
中女樂瞳自稱兩年冇拍拖，但其實自拍攝《點解阿 Sir係阿 Sir》以來已不斷有兵仔埋身
落藥，當中最混熟的 K4成員反枱（黃得生）和宅男（朱敏瀚）原來亦是追求者。據知 25
歲的樂瞳雖然比反枱和宅男大三年和六年，但樂瞳勝在夠嗲聲嗲氣兼用迷魂短訊冧仔，
K4二子分別以為自己得米，點都估唔到原來仲有隻黃雀等食。
嗒勻《阿 Sir》三子
樂瞳於《點》劇計落算第三女主角，除嗒咗 20歲港男陳偉洪外，另外還跟分別係 22歲同
19歲嘅 K4兩子反枱黃得生和宅男朱敏瀚大搞姊弟戀，一女食三男仲要互相唔知對方存在
，勁！
哎吔老豆讚
樂瞳拍拖要低調，連於《點》劇中做陳偉洪老豆的羅樂林，對於哎吔仔陳偉洪與樂瞳拍拖
表示並不知情，不過羅樂林得知消息後，週一（ 16日）亦在電話中興奮說：「係？咁我
就恭喜佢哋啦！」阿仔溝掂女神，梗開心啦！ 早前羅樂林一日死五次搞到上埋外國報紙頭版，計知名度仲勁陳偉洪好多，所謂用得唔好
嘥，哎吔仔喺微博亦放咗兩父子合照做版頭。
K房培慾
雖然兩男呵護備至，但實情身高 5呎 11吋、港男出身的 20歲陳偉洪才是真命天子。在劇
中飾演羅樂林仔蔣進的陳偉洪，跟巴巴喳喳的樂瞳最傾得埋，拍完劇又經常相約行街唱K。
據知樂瞳最初只當陳偉洪係其中一個觀音兵，諗住嗲多個兵仔自用，但漸漸被高大健碩的
陳偉洪吸引，加上男方頻頻微博和短訊慰問攻勢冧掂，成功撻着樂瞳芳心。
「雖然陳偉洪細過樂瞳，不過份人超細心又上進，一啲都唔似普通 o靚仔，試過有次樂瞳
接受傳媒訪問時喊， Calvin（陳之洋名）睇完就 send咗個 WhatsApp畀樂瞳，話睇到好
感動，叫樂瞳加油畀心機。樂瞳冧到暈，不過佢哋收得好密，同劇其餘 K4都唔知，係有
次陳偉洪畀咗啲 WhatsApp訊息人睇，單嘢先揚咗咋！」
獵物 1號
陳偉洪 20歲
身高： 5呎 11
胸肌： 41吋
拍拖經驗： 4次
肌肉港男
我鍾意佢細細粒！（真實對白）《壹週刊》圖片
陳偉洪自稱拍過 4次拖，雖然有打過茄輪，不過性經驗就唔肯多講，佢怕醜話：「唔敢講
呀，驚阿媽鬧！」睇你全身紮實肌肉，怕且女神都係食肉獸。
陳偉洪（左） 09年參加《香港先生》奪得少年組冠軍，當年總冠軍叫許家傑，據知無綫
監製梅小青對他甚為欣賞，而陳亦係梅小青丈夫監製劉家豪的愛用演員。
週日（ 15日），樂瞳做完《點》劇宣傳後，孖住同劇 K4演員和陳偉洪一齊到旺角樓上
cafe飲嘢吹水，雖然陳偉洪收得密唔想俾人知拍拖，不過過馬路時，陳仍不時回頭深情
望住女神，擔心佢有意外，週一，樂瞳過澳門做嘢，陳又喺微博內留言話「 miss you」
，掛佢掛到過大海喎！
Whats App互撻
據知樂瞳拍《點》劇時，已跟陳偉洪暗撻，經常透過 WhatsApp（即時短訊 app）互傳短
訊，雖然樂瞳想低調，但當時陳偉洪有機溝到女神鬼咁歡喜，更忍唔住將手機短訊畀人睇
！
獵物 2號
黃得生 20歲
身高： 5呎 8
必殺技：籃球入樽
除陳偉洪，早前樂瞳亦被影到跟 K4成員朱敏瀚（左二）和黃得生（左一）齊齊行街，更
有指樂瞳背住朱敏瀚暗撻黃得生，估唔到原來仲有個陳偉洪，樂瞳一女撻三男，辛苦晒！
獵物 3號
朱敏瀚 19歲
身高： 5呎 9
必殺技：中美混血
直認愛爭女
25歲樂瞳嗒 20歲嫩草，撞啱樂瞳事業有起色，故刻意將陳偉洪收埋玩地下情，連微博甚
至 blog內亦甚少二人合照。週日（ 15日）二人出席《點》劇宣傳活動時，樂瞳雖然唔認
拍拖，但坦言喜歡男方夠高大：「我鍾意啲大過我嘅、成熟啲嘅男人，最好有上進心，咁
陳偉洪高大都 ok呀，因為我細粒，又係巨蟹座，需要人保護我嘛，而且我妒忌心好重，
如果圈內人，佢同人拍親熱戲，我會唔鍾意嘅。」至於陳偉雄則大方承認自己對樂瞳有好
感。
F：《 FACE》陳：陳偉洪
F：係咪同樂瞳拍緊拖？
陳：唔係……（猶豫）不過有約出嚟行街食飯。
F：會唔會鍾意佢？
陳：對佢都有啲好感嘅，幾鍾意佢細細粒，可以照顧佢嘛。
F：佢大你 5年喎。
陳：我冇所謂 o架。
F：黃得生（反枱）同朱敏瀚（宅男）都追緊樂瞳喎，有冇威脅到你呀？
陳：我唔介意爭埋一份 o架，有時我哋都會 send吓短訊。
F：有冇機會拍拖先？
陳：我係天蠍座，妒忌心好重，唔會鍾意圈內人，萬一佢紅過我呀、同人拍親熱戲呀，我
都唔鍾意囉。
連用星座做藉口都一樣，夾到咁，不如坦白認咗佢算啦。
高登仔唔認樂瞳
自從樂瞳喺《點》劇入面做援交妹彈起後，各大討論區宅男紛紛讚樂瞳可愛又靚女，但反
而喺毒男集中營高登討論區內，卻有人反對樂瞳做女神。對於自己喺高登失威，樂瞳說：
「呢個世界冇可能所有人都鍾意自己，冇辦法啦，惟有努力希望鍾意我嘅人繼續鍾意啦，
如果唔鍾意我，希望睇到我嘅努力啦！」又幾樂觀喎！
自《點》劇出街後，樂瞳多咗搵錢機會， 4月尾晒浴衣為 PSP宣傳，原本要向 fans派禮
物，但因人數太多改為親吻禮物再由工作人員派發。
極罕水着
樂瞳自出道以來甚少影泳衣相，呢張泳衣照佢話係幾年前影落，她說：「我得幾張泳衣相
，自己身材唔好，無謂影咁多啦！」
讀書唔索
有網友話佢個樣愈大愈靚，涉嫌有加工，樂瞳說：「讀書時係肥啲又唔識化妝啫。」
潮文數臭
有高登仔寫咗篇「我們高登從未把樂瞳當作高登女神」，寸樂瞳又矮唱歌又難聽，話反對
佢做高登女神，短時間內已有 936個正評表示同意，但樂瞳說：「呢個世界冇可能所有人
都鍾意自己，冇辦法啦。」
唔認小三
早前有報道話樂瞳介入前老闆 DJ Tommy婚姻做第三者，樂瞳於電台訪問中聲淚俱下否認
說：「我冇做過，絕對唔接受做人小三，真係違反道德呀！」
女神寫真撻 Q
樂瞳 09年簽約 CMD做歌手，去年又出咗隻 EP《乾物女皇》，之前又話會喺暑期出寫真硬
撼 o靚模，不過樂瞳澄清自己已跟 CMD約滿，寫真亦已撻 Q，樂瞳說：「我同 CMD已經滿
約，o依家都係無綫幫我接 job，寫真都唔會出啦，都可惜嘅，不過又唔覺好慘囉，我鍾
意唱歌，睇 TVB安排啦，呢輪忙完都會試吓作曲擺上網，睇吓有冇人賞識。」