何麗全撐腰　劉璇拍劇擔正搶法拉戲

2010/07/10 忽然一週780期 http://bbs.ent.163.com/bbs/tvb/182030506.html

係搶你戲呀，吹咩！（設計對白）
得到無綫高層何麗全撐腰，劉璇在處女劇《女拳》得以擔正，令已升呢做一線花旦嘅陳法
拉淪為陪襯。

奧運金牌得主劉璇自退役後一心進軍娛樂圈，去年除了簽約香港「星娛樂」做歌手外，近
日更獲無綫力邀加盟拍攝台慶劇《女拳》。

據知劉璇首次拍劇即要求多多，除了要求私人助手貼身跟入廠服侍左右外，又要求做第一
女主角，力壓一線花旦陳法拉，就連無綫一線小生黃宗澤及馬國明等，都要在劇中傍實呢
位「璇美人」。劉璇要風得風，皆因有製作部總監（非戲劇製作）何麗全撐腰，連劉璇亦
直認：「係何生搵我返嚟， 30集我都有份！」

前國家體操隊隊員劉璇在 2000年悉尼奧運會贏得女子平衡木金牌後，就正式退役。之後
劉璇到北京大學修讀新聞系，其間在內地擔任主持，為入演藝界鋪路。

08年北京奧運，劉璇獲無綫力邀於北京擔任奧運星級主持，之後又簽約 Neway Group旗下
的星娛樂，銳意進軍樂壇。近日她更殺入電視圈，獲何麗全力邀加盟無綫，拍攝處女劇《
女拳》。為令國寶簽約無綫，何生更親自出馬游說璇美人。

據知劉璇見何麗全親自出馬，亦不客氣開出條件。知情人士說：「佢同何生講要做第一女
主角，戲份一定要多過法拉，否則唔拍。而平時無綫唔俾藝人私人助手自由出入劇廠，但
劉璇就講明要帶私人助手跟出跟入，排場比其他一線巨星更厲害！」

據知何麗全與劉璇關係一直友好，所以最後都一一應承。「何生同劉璇好熟，佢哋間中都
會食飯。今次何生同劉璇傾咗好耐，雖然劉璇啲廣東話仲未講得好，不過因為劉璇係國家
隊奧運冠軍，加上喺大陸有號召力，所以全部條件都應承，務求令佢舒舒服服。不過劉璇
恃住有何生撐腰，都幾擺阿姐款，好似開鏡嗰日，啲幕後同佢打招呼，佢都唔理人。」

劉璇經常於微博上載與何麗全私人飯局合照，證明兩人關係非淺。

 08年無綫宣傳北京奧運時，樂易玲在活動上搭實劉璇膊頭，拉佢到台前正中位置，可見樂
小姐對劉璇亦相當重視。

群星拱照
無綫台慶劇《女拳》由劉璇擔正飾莫桂蘭，更搵嚟黃宗澤、馬國明、姜大衛同陳法拉群星
拱照，認真架勢。

助手跟入廠
劉璇將會留港半年為無綫拍劇，因此自資聘請一個女助手，更要求無綫容許助手跟入廠。

開鏡扮 friend
開鏡當日，擔正的劉璇與陳法拉扮 friend，劉還開心攬着法拉纖腰，演技一流。

佢係擔正！（真實對白）
劇中飾演劉璇契大哥嘅馬國明，證實劉璇戲份比起其他演員多。


暗寸法拉少戲份

本周二（ 6日）劉璇拍完外景接受本刊訪問，就直認是何麗全力邀她加盟：「 08年北京
奧運會時，何生請我為 TVB做客席主持，之後都有傾過想請我拍劇，所以都算係何生簽我
。（新劇係咪你做第一女主角？）都應該算係，因為我同劇中每個人都會有劇情，所以三
十集嘅劇情入面我都有份。」記者追問法拉戲份是否少過她時，她即說：「我唔清楚，不
過我開咗 12日外景都未同佢合作過。」擺明暗寸法拉戲份少。

而身為男主角的馬國明亦親口證實《女拳》劇情主要圍繞劉璇發展：「套劇主要係講黃飛
鴻（姜大衛飾）同太太莫桂蘭（劉璇飾）之間嘅故事，我同 Bosco同法拉就會發生三角戀
。故事中後段姜大衛會死，主要嘅戲份都會落喺撐住寶芝林嘅劉璇身上。我知道呢套劇因
為劉璇擔正，已經有好多內地片商吼實想買。」本周三（ 7日）記者致電法拉經理人
 Cindy，欲問被劉璇搶戲份感受，但直至截稿仍未有回覆。

在無綫穿針引線下，劉璇去年 10月加盟 Neway二少薛嘉麟旗下的「星娛樂」做歌手，今
年將推出國語唱片。


08年劉璇以星級主持身份，到北京替無綫於賽後訪問一眾金牌運動員，包括體操隊師弟李
小雙。

駐港半年

原本租住黃埔海逸酒店嘅劉璇由於將會留港半年拍劇，小數怕長計下，決定搬到月租兩萬
嘅酒店式住宅海灣軒。


上周三（ 30日）劉璇由黃埔海逸酒店搬往紅磡海灣軒酒店式住宅，行李之多就連的士車
尾箱都閂唔到。


落的士後劉璇兩手空空推門入海灣軒大堂，留底四袋紅白藍由助手同的士司機搬。