陳法拉不自量力

2011/03/16  壹周刊1096期

劉璇退役多時，但玩體操對佢 嚟講完全零難度，陳法拉玩埋一份，點知一字馬曲晒腳，
見到劉璇做埋手翻呆 咗，仲搞到自己條腰扯住痛。

為中國奪得首面平衡木奧運金牌 嘅劉璇，上個禮拜五（三月四日）出席初次 孭飛做女主
角 嘅無 綫新劇《女拳》宣傳活動。

一簽無綫就做花旦，當日活動更擺明為「體操皇后」度身安排，要演員企上平衡木玩扯
大纜遊戲，原本唔使勞動劉璇，不過佢亦無托手踭，應大家要求上平衡木露兩手，個個睇
到拍晒手。

至於同樣係女主角 嘅陳法拉，宣傳焦點射歪晒，早排傳佢扮阿姐「蝦」劉璇，搞到俾人
 cut戲，為 咗用行動反擊不和傳聞兼且搏上鏡，陳法拉同劉璇又咬耳仔又拖手，仲一齊
示範單腳一字馬，做完法拉摸住條腰嗌痛。不自量力，攞苦嚟辛！

唔係吓話！（設計對白）

大會安排演員企上平衡木玩扯大纜，講到尾，唔係個個都係劉璇，「雙林」林嘉華、林漪
娸玩唔夠一陣就失平衡。

「非凡哥」麥長青表演醒獅助興，雖然身懷酒桶腩，依然活動自如，功架十足。

撰文：八珍