楊秀惠昨日化身300磅大肥妹，與黃浩然到中環拍攝外景，一向身形纖瘦的她，不只要犧
牲平日的索爆靚樣，更因為要穿上一身厚重「肥膏」而變得「論論盡盡」，就連黃浩然在
旁睇見，都不忍心要扶她一把。
楊秀惠昨日為無新劇《杏林心處》拍攝外景，穿上一身厚重「肥膏」的她，先在中環碼頭
拍攝由的士落車，跑往碼頭的場面，不過由於她穿上「肥膏衫」後，已經變得笨手笨腳，
加上拖行李奔跑，所以顯得一仆一碌。
皮膚敏感
其後肥妹秀惠與黃浩然轉往附近天橋拍攝跳橋鏡頭，但由於身形臃腫，竟然連欄杆都爬不
過。
雖然現場圍觀睇拍戲的途人不少，但竟然無人認出秀惠的真正身份，難怪秀惠也大讚自己
「易容」大法成功，她說：「每次化呢個肥妹裝，我都要預早幾個鐘返公司，化完之後行
動仲好唔方便，身『肥膏』搞到我行步路都『論盡』過人，而且塊面唔可以有太大動作，
所以都幾考忍耐力。我條頸初初仲因為唔習慣，搞到有皮膚敏感，不過依家已經冇事。」
拍檔大讚
黃浩然亦都大讚秀惠為藝術犧牲，他說：「其實秀惠都好辛苦，開工又要早我幾個鐘返去
化妝，收工又要花成粒鐘落妝，佢件肥膏又重呢，我睇到佢都戥佢辛苦。不過佢呢身造型
好成功，公司冇人認得佢，但係要一眼認出佢都有計，就係睇番佢對眼認！」
文：影視組攝：李柏儒
_________________
越來越期待杏林了@@
那個肥婆造型很捧!!
--
※ 發信站: 批踢踢實業坊(ptt.cc)
◆ From: 219.78.181.119