諸葛入門無期 法拉晒老爺豪車示威

2011/03/30 FACE周刊

嫁入薛家後法拉一改性感形象，喺新劇《潛行狙擊》中更飾演正氣差婆，形象角色有得發
揮，法拉更 hardsell說：「個髮型專登為套劇剪嘅，會成熟啲，冇咁多男仔鍾意咪好囉
，少啲人追。」薛大少放心晒啦。

食住 Laughing哥水尾，無綫開拍新劇前傳《潛行狙擊》繼續翻炒。劇中除咗有 Laughing
哥，仲有近排升呢做一線姐仔、又有傳已嫁入 Neway薛家嘅陳法拉。有事業有愛情，上週
五（ 25日）法拉不慎拍外景整親腳，即有薛家老爺睇住，派出豪華七人車兼私人司機傍
住開工夠架勢！

法拉有老爺睇實，原本深得未來奶奶歡心嘅諸葛梓岐，喺上週六（ 26日）又突然話婚期
有變，所謂敵退我進，法拉今鋪威番次！

今年無綫重頭劇《潛行狙擊》繼續翻炒 Laughing哥，由謝天華同無綫近期走「佘」而升
呢做咗一姐嘅陳法拉擔正，不過做女主角，都唔夠得到薛家老爺體恤，壓住死敵諸葛公主
咁 happy。

恐怕今年趕唔到（結婚）！(真實對白)
諸葛梓岐之前話準備於今年尾結婚，但上星期六諸葛忽然改口話：「我?家先知結婚有好
多嘢做，我過去紐約試婚紗時間都冇，場地都未搵，恐怕會趕唔到。」入薛家要押後。

未入門嘅諸葛公主，平時同 Neway二少薛嘉麟出入都係坐部二手 7人車，似乎輸咗氣勢！

晒腳傷
未轉場景去深水埗前，法拉於萬宜水庫拍外景不慎扭傷腳，法拉唔怕肉酸喺微博 post咗
張腳傷相，仲話「自以為，很有型」，見法拉扭到咁傷，老爺梗係叫司機出動載法拉啦！

拍攝當晚，法拉忍腳痛狂跑，但期間都見佢經常按摩隻腳。

司機接送
法拉當晚坐嘅豐田豪華 7人車 Alphard係老爺薛濟傑名下， 08年一手買入要成 60幾萬，
對於老爺錫到燶，法拉就笑咁口話：「咪講呢啲衰嘢啦！」

老爺睇住
有傳法拉和薛世恆於 08年已經拉埋，不過二人一直否認。

Laughing哥謝天華再 hit靠呢鋪，首次飾演差婆嘅法拉亦搏到盡，上週五（ 25日）晚法
拉就喺萬宜水庫拍外景狂奔時唔小心仆親兼扭傷，雖然整親玉腿，不過深夜再轉往深水埗
拍外景時就即有薛老爺薛濟傑架七人車兼私人司機代步，問到法拉有得坐「老爺車」，佢
就笑住話：「唔好講呢啲衰嘢啦！」之後又嗱嗱聲走上「老爺車」休息，實行有車用到盡
。

雖同為薛家「新抱」，但有傳已嫁入薛家的法拉一向同二少薛嘉麟女友諸葛梓岐唔啱嘴形
，上週六（ 26日），之前狂晒鑽戒，話今年 12月要結婚嘅諸葛梓岐又忽然改口話自己婚
期要押後，死敵暫時做唔成妯娌，法拉架「老爺車」寧舍坐得舒服心涼呀！

鵪鶉妹黃智雯變一樓一
現年 29歲黃智雯（ Mandy）憑劇集《搜下留情》飾演「鵪鶉妹」入晒屋，到今次《潛行
狙擊》內黃智雯明亦係做第二女主角，除咗同法拉有對手戲，劇入面仲飾演放蛇做妓女嘅
女警搗破賣淫集團，當中唔少性感演出。佢自己都話：「都係第一次嘗試呢種角色，戲入
面我因為放蛇做妓女，被識穿而俾人夾上車施暴，又縛又被虐打，都算係幾激嘅演出！」

車廂施暴
早排响《手下留情》飾演鵪鶉妹嘅黃智雯成為 TVB來年力捧花旦仔，喺今次《潛行狙擊》
中有唔少突破，飾演臥底嘅佢扮妓女放蛇，點知俾人捉上車施暴，佢自己都話：「今次係
好大膽嘅演出！」

保守妓女
黃智雯嘅妓女造型算保守，得條熱褲加黑絲襪叫有啲睇頭，黃智雯就話：「我呢個係一樓
一鳳造型，性感啲戲係返廠拍，我冇上過啲鹹網，不過就有去過砵蘭街睇過！」

當街老笠
做雞放蛇被人識破斷正，黃智雯即時被人夾上車擄走。

黃智雯去年同《搜下留情》飾演羅仲謙女友鵪鶉妹，戲唔算多勝在純情開始被觀眾留意，
有傳佢仲同大隻謙戲假情真拍過拖。

黃宗澤做大奸

《潛行狙擊》講 Laughing哥未做臥底前的 CID生涯，由謝天華再度飾演「 Laughing哥」
梁笑棠，聯同陳法拉打擊社團活動。 Laughing哥仲表明今次冇其他《學警》系列角色出
現：「總之劇情有好多意想唔到啦！」

而劇中飾演黑社會大奸角嘅黃宗澤仲話同徐子珊有唔少床戲，佢話：「同徐子珊唔會尷尬
，基本上冇當過佢係女仔！」

採訪：林通賢
攝影：楊學