福祿壽揚言衝擊視帝 王祖藍教戲衣架打亞男

2011/02/25 蘋果日報

李亞男昨日宣傳奧斯卡，透露有找男友王祖藍教做戲，試過被男友用衣架打到喊。

汪明荃（阿姐）加王祖藍、阮兆祥和李思捷由綜藝節目紅到拍劇，福祿壽今次在新劇繼續
扮嘢，他們三位一體，還要組成名為福祿壽的個體，準備拍劇挑戰視帝黎耀祥和陳豪。另
一邊廂的李亞男則謂有叫男友祖藍教做戲，更因不懂喊而被祖藍攞衣架打。

無綫劇集《荃加福祿壽探案》昨日在將軍澳電視廣播城試造型，阿姐加福祿壽一身懷舊服
飾，在新劇中繼續扮嘢搞笑，祖藍和祥仔還誇下海口，誓要衝擊今年台慶的最佳男主角，
祖藍說：「我就唔信三個臭皮匠，贏唔到一個諸葛亮，我哋三位一體，姓福名祿壽，所以
我哋唔會爭戲份，大家差唔多。」

祥仔表示第一次擔正拍劇做男主角，心情緊張，又感到大壓力，他笑說：「祖藍就話唔係
第一次，我同思捷都係第一次拍劇擔正做主角，所以都幾擔心。」一直有傳新劇會玩他們
的女友，祥仔說：「續集先喇！一步步來，阿男、阿春呢啲遲少少會出場。」

陳茵媺女鬼嚇人

官恩娜、鍾嘉欣、苟芸慧、陳茵媺、梁靖琪和江欣燕都會客串《荃》劇。試造型時，江欣
燕介紹自己角色時過度興奮，竟然掉了火機和煙在地上。官恩娜就第一次扮媽姐，她說：
「我係梳起唔嫁嘅媽姐，自己就冇諗過唔嫁，呢個角色幾得意。」陳茵媺客串扮女鬼，她
說：「都好耐冇留長頭髮，今次喺劇入面因為個老公想謀財害命，所以我會扮女鬼嚇佢。
」

（左起）王祖藍、李思捷、汪明荃和阮兆祥試造型，他們矢言要衝擊台慶頒獎禮。

讚祖藍似梁朝偉

此外，王祖藍的女友李亞男也在電視城宣傳「第 83屆奧斯卡金像獎頒獎典禮」。對於王
祖藍忙於拍劇，無暇拍拖，李亞男謂會約姊妹看奧斯卡電影，她說：「不過佢（祖藍）會
抽時間幫我上堂教我做戲，試過因為我唔識喊，佢用衣架打到我喊。」不知祖藍有否乘機
教親熱戲？她說：「呢個唔使喇！我同好多男藝人王敏德、鄭嘉穎同林峯都拍過親熱戲，
雖然佢都拍唔少，之後最好唔好咁多啦。」

記者笑李亞男咀過無數型男，她說：「我覺得祖藍都好型呀，佢喺《獨家試愛》入面都好
似梁朝偉！不過佢阿媽聽到即刻話『梁朝 where呀！』」

陳茵媺（左）和官恩娜分別扮女鬼和媽姐。

採訪、攝影：楊潔雯