江欣燕煙貴不離身

2011/03/06 壹周刊1095期

汪阿姐、阮兆祥、王祖藍加李思捷拍檔 call到客，由綜藝節目做到變搵錢 show，無綫食
住條水開埋劇。上星期四（二月廿四日），新劇《荃加福祿壽探案》試造型，除咗原裝四
人班底，仲有曉上身，搞笑唔識收掣嘅江欣燕、官恩娜埋位。

眾演員以六十年代造型蒲頭，扮嘢出神入化嘅江欣燕梳高髻旗袍挽手袋，唔再扮祥嫂，介
紹角色講感受，江欣燕 high爆郁晒手腳，點知動作過大，搞到原本放喺道具手袋嘅綠
 Luck同火機飛咗出嚟，一地都係，超尷尬！

唔好怪江欣燕，杯葛唔幫襯 7仔 OK，一支煙都要兩個半！啲咁貴重嘅私人物件，隨身攜
帶，係好合理嘅！

江欣燕講到遞晒手，連煙同火機都飛埋落地。

當場出醜，江欣燕擰轉面笑到孿晒腰，好在冇俾阿姐鬧咋！