呂晶晶朝九晚五 天地更演員扯火                       2011/04/11

前亞姐呂晶晶參演鄧特希新劇獲厚待，開工時間猶如返寫字樓朝九晚五工，看來是方便與
亞視高層男友盛品儒拍拖卻苦了一班同劇演員捱等，其中通告被編排至「天地更」的姚佳
雯更敢怒不敢言，又辣興DJ快必，幾乎想嚮導演爆樽！

呂晶晶與亞視執行董事盛品儒的「情侶」關係，在亞視已是公開的秘密。晶晶的「老闆娘
」地位在公司穩如泰山。最近她在鄧特希新劇《親密損友》的開工時間可說是全劇最獲優
待一人。有指晶晶除了可在星期六、日休息，平日拍劇亦是返寫字樓工時間，猶如OL返工
放工。
呂晶晶曾與盛品儒同場，但二人不肯合照，彈到「無雷公咁遠」。

敢怒不敢言

據知，晶晶曾呻拍劇時間辛苦，即人人自動波遷就她拍攝時間，但就將同劇演員的開工通
告編排至「天地更」（即拍完頭場再等尾場開工），令很多人怨聲載道。同樣是亞姐出身
的姚佳雯下午一時拍完頭場，便要等至晚上十時再拍同日尾場。作為新人的她得聞「老闆
娘」獲優待，當然敢怒而不敢言。另一男演員快必（譚至德）的反應卻大得多，更三度為
此與導演發生衝突，幾乎想嚮導演爆樽洩憤。現場目擊者高皓正和鄧特希擔心釀成血案，
即衝前勸阻。

鄧特希昨日就此事承認在拍攝上，演員與劇組人員有不同意見，但對「老闆娘」晶晶獲厚
待未有正面回應，但強調非刻意遷就：「其實通告唔係全部我排，都有助導、統籌做。（
週六、日唔使開？）咁啱嗰兩日冇通告，我哋唔會刻意去就。（其他人有怨言喎！）我未
收到投訴。（快必嬲到爆樽？）呢件事我都喺現場，冇咁誇張。最後都順利完成拍攝，況
且導演都冇受傷。」而姚佳雯昨日亦承認返「天地更」，她說：「一、兩次啦！我第一次
拍劇，唔覺辛苦，反而覺得幾好玩。」
返「天地更」的姚佳雯等到發呆。
高皓正曾目擊快必因呂晶晶獲厚待而扯火場面，即時出手勸止。

唔想咁辛苦

至於獲優待的晶晶昨日受訪時，反過來向劇組投訴自己開工時間長，更曾親自向助導瞭解
。記者問她可有向「高層男友」盛品儒投訴？她笑說：「呢個係兩回事！（受到優待令到
其他演員有怨言？）唔會啩！咁誇張？我都成日等啦！我都有『天地更』。（週六、日唔
使開？）我係星期日病過先唔使返，我都想同鄧特希講唔好要我咁辛苦，我冇曬私人時間
，約唔到朋友食飯。（冇得同盛生食飯？）唔係，我哋唔係拍拖！」

盛品儒昨亦稱不會過問公司運作：「冇特別遷就一個演員。（緋聞令到其他演員敏感？）
有啲啦，我會小心處理。」

另外，亞視是非一籮籮！陳秀雯日前投訴拍完《法網群英》至今未收到百萬酬勞，亞視高
層葉家寶表示之前已跟秀雯傾過，故暫不需要再對話。而陳秀雯被問會否正式入稟？她指
正跟律師商討，如事件發展至這步亦沒辦法，訴訟費用是她首要衡量條件。

快必苦等埋位嬲到爆樽?

亞視正開拍劇集《親密損友》，據知演員之一兼「老闆娘」呂晶晶於拍劇期間備受優待，
同劇演員快必（譚志德）及姚佳雯等「被迫」遷就其拍劇時間，慘成「受害者」！性格火
爆的快必等到「發火」，矛頭直指導演鄺錦宏，更三度發生激烈行為，極盡驚嚇！據知，
有人先反枱發出巨響，再欲以玻璃杯擲在枱上，最後更手執紅酒樽及躁爆地說：「我車爆
你個頭吖嗱！」

記者致電詢問被指發火一事時，快必起初仍予以否認：「戲嚟o架啫！」其後因「兜唔番
」而承認屬實，問到知不知道其所為嚇倒導演？他說：「嚇？佢好驚咩？如果真係咁驚又
唔見佢有改善！（因為等得太耐扯火？）等就一定要o架啦！係我覺得佢拍多好多嘢囉，
唔止我一個咁覺得o架！我係熱血青年啫！（唔驚發生血案？）我最後都冇爆佢吖，要爆
我都會爆我自己先！」問到是否有「天地更」？另一「受害者」姚佳雯說：「我試過一、
兩次啦！（呂晶晶獲優待？）我唔覺喎！不過我好少同佢一齊開工，唔清楚人哋啲通告！
」