林峯搶鏡　歐陽震華企歪 (忽然一周第762期)

冇癮極嘅波比，特登喺林峯背後行嚟行去，但始終冇人理佢。

曾幾何時，歐陽震華係 TVB嘅鎮台之寶。不過，時移世易咯！
上星期 TVB新劇《不速之約》造型，有兩套戲在身嘅林峯，又企硬男主角之位。當日所見
，歐陽震華雖然同林峯一樣係男主角，但由於林峯造型突出，全部記者就全程包圍住佢，
連監製潘嘉德都長伴林峯左右，歐陽震華就冇人理。

林峯劇中飾演魔鬼，戴上紅色隱形眼鏡，造型已經贏咗波比。

全部記者圍實林峯，做慣主角嘅歐陽震華完全冇人理。

佢最後拉住楊怡大講笑話，兩人拉拉扯扯，終於有得出鏡。

唉，寧買當頭起，娛樂圈就係咁跟紅頂白囉！

小花騎呢搶鏡

李亞男大汗，冇人怪。怪只怪佢明知自己胳肋底變咗濕地公園，仲唔知避忌，張開手行嚟
行去，咁就難為其他人囉！

當日人多，影大合照時，後生嘅要踎前邊，但周家怡失驚無神將條玉腿打橫一伸，搶鏡就
搶鏡，但招數太低囉！