《不速之約》假通告勁搞笑   (3週刊 第544期)

http://bbs.ent.163.com/bbs/tvb/169066307.html

大家每晚睇電視煲劇，除咗睇到劇中嘅靚靚主角，重有好多不同場景，如豪宅、辦公室、
露台、天台等等，呢啲場景雖然表面睇好似好真實，但其實通通都係喺電視城裏面搭建嘅
廠景，拍豪宅當然唔使買間豪宅嚟拍啦，但究竟呢啲所謂嘅廠景真實程度有幾高呢？

最近由歐陽震華、林峯、楊怡等主演嘅新劇《不速之約》，一樣有唔少屋企、電梯及露台
場景，但睇真啲，廠景好多細微嘅地方原來都假到無倫，尤其一張假嘅大廈通告更加係亂
寫一通，錯漏百出非常搞笑，莫非佢原本係《最緊要正字》用嘅道具？

新劇《不速之約》裏面嘅電梯廠景，電梯上貼咗張通告，上面寫嘅嘢真係錯漏百出，唔單
止有大量錯別字，就連文法都完全錯晒，有啲字甚至寫漏咗，好似「影響公眾環境衛」就
好明顯漏咗個「生」字，話唔定呢個係無綫隱藏嘅找錯處遊戲鈬?。

林峯身邊嘅電視機睇嚟好真實，其實只係得個穀嘅道具，亦冇任何電源插頭，就算有賊仔
想搬走都得物無所用。

另一女主角楊怡坐嘅睡房係用幾塊木板搭成，隔籬重有佈景組人員喺度施緊工。

每一套劇嘅家居場景，多數睇到嘅都係客廳，所以執得非常嚴謹，連監製潘嘉德都要親自
監場。