抽出搞事「雙嬌」 商天娥：呢啲人好陰濕！       (壹週刊1153期)

上週五，開工的娥姐一提「插娥雙嬌」，即露出不屑表情。

處境劇《結.分@謊情式》近期平均收視逾三十點，收視愈高，是非愈多，惹火商天娥首當
其衝。

據了解，跟娥姐已交惡多年的滕麗名，最近更聯同沈卓盈變身「插娥雙嬌」，引爆黑癲娥
十宗罪。煞科在即，娥姐唔再客氣，暗寸滕麗名為人陰濕，沈卓盈無專業操守。

拒同枱食飯

劇中飾演兩姊妹的商天娥與滕麗名，感情要好，但鏡頭以外卻另一回事。兩人數年前合拍
《師奶股神》及《掌上明珠》時，已經積下宿怨，今次再碰頭，已發展到飯 枱上有你無
我。放飯時間，只要同枱有娥姐，滕麗名必定唔見影。

娥姐連番被插，有傳不單是宿敵放箭，還有新加入成員；「插娥雙嬌」甚至聯手做 嘢，
以十宗罪狂插死對頭。

心知誰是黑手，一身箭的商天娥早前偕夫 Patrick接受電台節目訪問反擊，力斥有人為誣
衊她，小事化大，暗指滕麗名是攪屎棍，又爆有演員入廠對稿態度差，不尊重對手；矛頭
直指於兩個月前才加入劇組，飾演小三的沈卓盈。

娥姐夠惡，沈卓盈亦非省油的燈。因為不滿對方工作態度又 hea又囂，娥姐直斥其非，因
而再辣火頭。

沈卓盈微博還拖
有指沈卓盈入廠對稿唔做足本分，因而被娥姐當面寸她要尊重人。事後沈在微博向娥姐還
擊。

《結》劇早前開香檳慶祝好收視，真係多得咁多是非做宣傳。


當眾訓示

「沈卓盈每次入廠對稿，講完自己 嗰段對白就唔理對手，行開同班幕後 喺度大大聲傾偈
好騷擾，唔同對手試戲無交流，好唔專業。有次佢同修哥（胡楓）、心姐（謝雪心）仲有
娥姐一齊對稿，態度都係咁，兩個老人家冇出聲，但娥姐就話之你，一句質埋去：『
Respect people, please!（請尊重別人）』俾娥姐詐型，沈卓盈無耍冧仲夠薑藐番佢。
後來有場喺廁所對質嘅戲，沈卓盈直頭唔對稿，任娥姐對住空氣試戲。」幕後工作人
員說。

娥姐當眾責難，條氣 chok住的沈卓盈即時在微博洩憤還擊：「別人不尊重我，我也會選
擇去尊重別人。你的無賴，別人是有眼看的！」

同聲同氣

有相同目標，收到風的滕麗名即時拉攏沈卓盈做盟友，又經常向劇中演員撥火。去年底，
男主角張兆輝向監製投訴娥姐經常遲到，之後傳出飾演阿媽的甘草雪妮頂唔順娥姐脾氣，
「求死」望早日離組；加埋鬧 PA、實 Q同陳奐仁，圍剿是非接二連三，但娥姐心知肚明
，是非搞手其實是「插娥雙嬌」。

滕麗名：無偈傾

提到與她積怨多年的娥姐，阿滕曾經講到明無偈傾。「對於唔 friend嘅人，我開工閂埋
對耳仔。」

沈卓盈：佢唔睬我，我控制唔到！

對於她是娥姐口中唔專業演員，沈卓盈帶點激動：「我自問開工做足本分無遲到，人哋要
咁講我都無辦法。我同心姐、修哥仲有監製都合作愉快。（咁娥姐呢？）話到尾佢係前輩
，但佢睬唔睬我，我就控制唔到。」

合作可免則免

上週五（四月六日），娥姐返廠開工，求證所指「不尊重對手的演員」是否沈卓盈時，她
沒有否認。

「你既然咁問到，我只可以答你專業演員係應該有專業態度，莫講話工作，就算普通社交
場合，你講完 嘢都應該安靜咁聽埋對方表態，呢 啲係禮貌。（你話過佢之後，佢態度仲
差！）唉……咪嬉皮笑臉，唔識講呀！（有傳沈卓盈同滕麗名係「插娥雙嬌」？）每行都
有不良分子，有心裝無心，小事誇大一百倍，至於中途加入搞事 嘅人，我都費事再講，
封口。」

之後，娥姐又以陰濕人，暗寸放箭的滕麗名。
「起初知個劇有 嗰 啲陰濕人，想過唔接，但人揀我，我揀人，以為唔會次次都係咁 啩
，點知又係重複！（以後仲會跟滕麗名、沈卓盈合作？）可免則免！或者學精 啲，唔再
笨人出口，見到唔 啱，都唔好出聲。」

私生女撐娥

劇中演私生女的潘曉彤說：「娥姐好用心教我做戲！」她雖沒說沈卓盈不是，但就繑住娥
姐隻手，行動撐娥。

胡楓抽身

「人哋感覺係點我唔知，我就唔覺沈卓盈有乜嘢，因為我同佢好少對手戲。」

心姐以和為貴

「首先我同娥姐好 friend無不和。佢份人直腸直肚說話唔修飾先惹人誤會。我唔知邊個
搞是非，我係以和為貴。」