鄭嘉穎、胡杏兒合拍：有愛先有性

2010/05/12 蘋果日報

無綫新劇《怒火街頭》個名好似係講問題青少年，睇埋演員陣容有李璨琛、林子善，咁仲
唔係？點知原來係講大律師，男女主角係鄭嘉穎同胡杏兒，一個係流氓律師，一個係優雅
大狀，而李璨琛竟然係一個社工，林子善竟然係一個大狀，角色配搭真係新鮮。鄭嘉穎同
胡杏兒喺劇入面梗係要談情說愛喇！噚日《怒火街頭》喺將軍澳電視城開鏡拜神，嘉穎大
爆同杏兒將會有一場大膽床戲，佢哋喺劇入面係有性先有愛，嘉穎自問自答話：「我都係
做番個角色要做嘅嘢，我就覺得起碼要喜歡咗嗰個人先得，未拍拖好難有愛。」之後杏兒
都話：「咁我係女仔，我梗係要有愛先喇！」

圖片文字: 滕麗名精神爽利為新劇開鏡，完全唔似報道話佢為情所困。

圖片文字: 李璨琛喺《怒》劇入面做一個社工，格仔恤衫 look入型入格。

長興提敏莉酸溜溜

曹敏莉婚期已定，過去式緋聞情人黃長興話：「佢開心會祝福佢，佢之前同我傾偈都講過
唔想等咁大年紀先結婚，佢以前都提過吓?家呢個未婚夫係事業型男士。」問到喺法國長
大嘅長興係唔係只顧浪漫冇乜事業，先至同曹敏莉冇緣份？佢話：「係囉！以前只係浪漫
，不過我o依家都浪漫，但係會畀心機賺錢，事業都好重要。」幸好長興o依家都有新對象
，不過講到曹敏莉大晒 3卡鑽戒，長興帶點酸溜溜咁話：「 3卡，靚，等我都努力第日送
畀我老婆，多過 3卡！」

圖片文字: 《怒火街頭》眾演員拜神切燒豬，杏兒同林子善玩得鬼咁開心。

圖片文字: 鄭嘉穎、胡杏兒喺新劇《怒火街頭》會做一對新世代情侶，實行有性先有愛，
          仲會有一場激情床戲。