李燦森新丁做筆記 　　　（壹周刊第1054期）

一停機，李燦森攞住劇本做筆記，身邊陳敏之則摷袋攞粉盒執妝。

當年憑《香港製造》一片成名嘅李燦森（ Sam），喺影圈撈咗十三個年頭，但除咗身上紋
身、換女友、醉酒失態，再無豐功偉績。近幾年少咗拍戲嘅佢，搞過餐廳又自創潮服品牌
兼做埋夜場打碟，早排忽然破例答應幫無綫拍新劇《怒火街頭》。

二五話李燦森落夜場捽幾晚碟，一定好 pay過拍劇，但話晒有機會入屋，已經三張四嘅阿
 Sam覺得不妨一試。

早個禮拜，李燦森喺深水埗同陳敏之一齊開夜班，話晒第一次喺香港拍劇，阿 Sam當正自
己係新丁，只要一停機，就攞住份劇本出嚟係咁刨，又做晒筆記。

相反，拍劇已成例行公事嘅對手陳敏之，停機第一時間摷粉盒，照鏡補妝執樣。一緊一鬆
，對比強烈。

拍街景惹途人圍觀，李燦森除咗自己件外套俾陳敏之遮膊，好有風度。

喺《怒火街頭》入面，李燦森係社工，至於著到跌晒膊嘅陳敏之就做雞。