紋身師奶睇中鄭嘉穎

壹周刊1056期

我咁靚仔，梗係有女? o架喇！（設計對白）

上星期五（五月廿八日），無綫新劇《怒火街頭》喺深水埗福榮街拍外景，劇中李燦琛俾
人逼遷，老友鄭嘉穎代為出頭，幫手講數。
除咗記者探班，仲有街坊圍觀，搞到附近逼滿人，仲驚動軍裝警員，上前 check外景隊有
無拍攝申請。

拍完一個鏡頭， PR安排記者入鋪頭坐低同鄭嘉穎傾偈訪問，記者群中，忽然多咗個深水
埗師奶，一手膠袋兩手揸機，遠吊近 shot，係咁啄住鄭嘉穎影。

師奶龍友扮記者，不過，在場冇人敢上前請走佢。八珍估計，令大家窒步嘅理由得一個，
師奶左手前臂全紋身，仲係造型勇猛嘅「惡鯉出海」。

八珍當然明白，大家唔應該以貌取人，不過，君子不立危牆下，都係影相啫，又冇強吻，
是但喇！

喺出面影完一大輪，紋身師奶仲扮埋記者，混入鋪頭。

愈行愈埋，影近鏡，嘩，《壹》仔拉個近 shot，等大家欣賞師奶手上條惡鯉，何其生猛
。

講數場面夠惹火，街坊圍埋睇嘢，搞到差人都嚟埋。

喺劇中做律師嘅鄭嘉穎，為俾人逼遷嘅李燦琛（左二）出面講數。

講到紋身，李燦琛超班，幾乎周身都係，不過著咗衫，露得少少俾大家睇。