陳敏之遮醜                                      (忽然一周830期)

李璨琛唔聲唔聲賺到盤滿缽滿，周六（ 18日），《怒》劇眾演員到酒樓搞祝捷，佢都冇
返香港，寧願喺大陸巡舖。至於劇中同佢係一對嘅「索腿天后」陳敏之，呢日就搶晒鏡，
佢着住露腰背心加熱褲，一到場已經吸引成班記者追住影。

其間佢不停捽住肚皮吟吟噚噚：「死啦，頭先坐低咗，搞到肚皮成條痕，影唔影到 o架？
」女人始終貪靚，後來佢索性用貼紙遮醜，其實敏之露條 42吋長腿同纖腰都贏晒啦，唔
講邊個會留意到你條痕吖。

貪靚嘅陳敏之不時捽住自己腰間嗰條紅色痕，幾咁尷尬！

《怒》劇上周創出 35點收視佳績，主角鄭嘉穎專登着條巨股褲 hard sell一下，至於敏
之就一於用貼紙遮醜兼宣傳。