徐子珊住豪宅拒認搭上富豪

東方日報
http://www2.news.sina.com.hk/cgi-bin/nw/show.cgi/15/1/1/1392867/1.html


【東方日報專訊】徐子珊被指忽然富貴，狠撇緋聞導演男友游乃海兼搭上富豪。昨日她出
席新劇造型活動時，嬲爆大叫無辜，雖然她承認住豪宅，但強調是租住，並指有關消息純
屬虛構，誣衊其名聲。

子珊、吳卓羲、郭晉安、陳錦鴻、梁靖琪、羅仲謙等昨日出席無綫新劇《團圓》造型活動
。近日有報道指子珊搭上富豪，她大叫冤枉，揚言消息抹殺了她過去一年的努力。


似《美麗高解像》

子珊表示得悉有關報道後十分激氣，她謂：「全部都係編造，消息好似《美麗高解像》續
集咁，將我人生代入劇情，但事實係完全冇咁嘅事，冇相、冇根據！不過我仍然好嬲，因
為女仔名聲好重要，咁樣畀人誣衊，真係好唔公平，抹殺咗我過去一年嘅努力！往後人哋
點搵我做嘢？仲有我最嬲今次件事騷擾到我屋企人！」

問子珊是否認識該富豪時，她說：「唔識，發誓唔識呢個人！從來冇富商追求過我。（咁
之前係咪同游乃海一齊？）佢本身有女友，我嘅事真係唔想影響人哋。（話你住千五萬貝
沙灣喎！）間屋係租，我努力工作都想住得舒服啲，可能頒獎禮前，佢哋幫我造新聞，驚
我出到嚟冇嘢講。（消息將你同陸詩韻、葉翠翠一齊比較！）人哋嘅嘢唔清楚、唔評論，
不過子珊向來畀人印象係自食其力。」


游乃海撐「舊愛」

另外，子珊「舊愛」游乃海接受訪問時表示，相信子珊為人，指報道完全虛構，全部不是
事實；他又「讚」放消息者編劇力強。問到是否替子珊不值？游乃海謂：「做呢行好難避
免，總之take it easy。」

此外，吳卓羲、郭晉安在劇中會與徐子珊有感情戲，吳卓羲表示不擔心與子珊傳緋聞。他
表示首次與郭晉安合作心情興奮，又自爆為了拍《團圓》，不惜推掉兩套大陸劇。