郭晉安兩頭走

忽然一周831期

原本喺大陸拍劇嘅郭晉安，早前因為臨盆在即嘅老婆歐倩怡突然出疹，於是同劇組請假，
趕返香港，除咗陪老婆外，同時亦兼顧埋做湊仔公。
除此外，佢亦不忘為劇集《團圓》做宣傳。雖然劇集毀多於譽，安仔跟吳卓羲、陳錦鴻等
為谷起劇集，戮力非常。

6月 16日溫馨湊仔

專登請假返香港嘅安仔， 16號（周四），接囝囝放學前，先喺九龍城放低賓賓。今次因
為老婆歐倩怡行動不便，冇跟埋出嚟，所以出動外母幫手。

安仔當日先喺九龍城放低賓賓，之後再直接去學校接囝囝。
原來歐倩怡阿媽（左一）一早已接咗囝囝喺度等安仔。
安仔先行上車準備，婆婆就幫手安置囝囝。

佗住 9個月巨肚，隨時生得嘅歐倩怡，一來行動不便，二來因為紅疹未完全退晒，為免接
觸陽光，已足不出戶，改由阿媽代勞，陪安仔去接囝囝放學。

既係廿四孝老公，又係慈祥老竇，更係好演員。呢啲好男人，已經係稀有動物啦！

6月 23日劇集宣傳

安仔雖然忙於照顧老婆及湊仔，但亦抽空出席劇集《團圓》宣傳活動。雖然劇集口碑同收
視（平均為２５％）都唔係咁理想，但安仔同一班演員依然戮力非常，不單玩到癲，更同
劇中死敵陳錦鴻由劇內鬥到劇外。

郭晉安、吳卓羲同陳錦鴻雖然喺劇集入面鬥到你死我活，但私底下就老友鬼鬼，陳錦鴻亦
唔介意安仔攞佢演技過火做笑柄。

要喺健身球上做出高難度動作。於是兩人各施渾身解數，務求取勝。結果係握手言和。