郭晉安逢騷必到

壹週刊1114期

日日酷熱天氣，安仔同吳卓羲熱到濕晒身，徐子珊都要背心上陣散熱。

無 綫新劇《團圓》，幾乎個個禮拜都有活動，希望收視繼續叫好，衝破 38點最高紀錄。
上個星期三（六日）陳曼娜請台前幕後食飯，禮拜六（九日）大熱天時又出到去銅鑼灣舉
行戶外宣傳。

不過無論室內抑或戶外，飾演「萬家豐」 嘅陳錦鴻，咁耐以 嚟，只係出現過一次《團圓
》宣傳，搞到團圓唔團圓，反而剛剛弄瓦之喜 嘅郭晉安，任何活動都一 call即到，監製
於是送上壽麵同賀卡，祝福安仔再做老豆，一仔一女，郭太肚皮可以收工。

忙住湊 B女 嘅安仔，個樣殘爆都 嚟飯局支持，仲話呢排經歷緊人生第二次災難，晚晚冇
覺好瞓，不過難受得嚟又開心，就連有咗五個月嘅汪琳，都有現身。

為祝賀安仔囡囡「以雅」出世，監製送上長壽麵同賀卡，順便 sell吓劇集主題。