推 Monoprix:希望接下來還可以看到Laughing哥的劇集ex.占星奇緣 ^^ 03/27 17:38
推 sukichengyi:賤man也不賴啦~~也希望快點看到其它作品~~XDDD~ 03/27 18:12
2009年03月27日（星期五）成報
「『Laughing哥』是十年難得一遇的角色，近年很少有一個角色會讓觀眾一路追捧。」
憑謝天華出色的演技將Laughing哥一角演得入型入格，不少網民紛紛在網上成立「
Laughing哥專區」。劇集《學警狙擊》今天便播映大結局，到底孝哥（苗僑偉）的下場
如何、Laughing是否死而復生等疑問，天華堅決不肯透露，抱歉的表示不能揭盅，只叫
筆者和觀眾今晚在電視機前慢慢欣賞。
近期人氣急升的謝天華，對於Laughing哥一角的極大回響可謂始料不及。天華說：「完
全無諗過會咁，自己感覺唔到角色會咁爆，好似突然間大家開始知道Laughing係臥底後
就引爆出來，明白佢忍辱負重、犧牲自己為人鋪路的精神，我自己本身都好鍾意。」對
於角色的成功，天華的演技固然出色，但他也歸功一班台前幕後的工作人員，並說：「
一套劇的成功唔係靠一個人做晒，要有好的編劇寫到一個好角色、好對白，才會令角色
生動，加上與同劇演員合作撞到火花先有呢個效果，有時都好要講運氣。」
《學》劇以男性角色為主導，令劇中一班男演員如三哥（苗僑偉）、吳卓羲及陳鍵鋒等
令觀眾留下深刻印象，天華說：「近年好少有一套劇，觀眾會記得咁多個角色，會一路
去追。Laughing哥係十年難得一遇，有網友話係經典角色之一，好開心可以去到呢個境
界。」問到當初接到Laughing哥一角時如何準備？天華說：「我有搵過黑白兩道的朋友
幫手，自己搜集唔少資料，因為角色複雜同內心戲很多，特別問過警察現實中如何面對
江湖人物，再加以自己消化演繹，令角色更有說服力，結果出來觀眾都讚做得入型入
格，證明我無白費心機。」
被捧上天懂返回現實
由唱歌跳舞到影壇，再到電視圈發展的天華，是否已視Laughing哥一角是代表作？他
說：「其實之前《女人唔易做》的角色我都好鍾意，觀眾反應都好好，不過回響唔算
大，Laughing哥都算係我的代表作。」天華又指出，劇集與角色成功之處，說道：「由
拍攝第一天開始，監製黃偉聲就叫大家唔好爆咁多劇情出去，就連開工初期，其他演員
都唔知我係臥底，要一路拍先知，咁樣出來的效果才比預期好，回響才會大。」在娛圈
打滾多年的天華，亦明白花無百日紅的道理，不會因一次成功將自己捧上天，要懂得返
回現實面對將來。他說：「由第一集到廿二集，差唔多成個月都被讚得輕飄飄，感覺好
得意好Ｅnjoy呢個成績，但時間一長就唔可以日日都咁興奮，要收拾心情、集中精神面
對之後的工作。之前我做過唔少的角色，都係一步一步慢慢儲分，Laughing哥一角真係
幫我跨了一大步，好大的一步。」今後接新角色做會否更挑剔，或對自己有更高要求、
有更大的壓力？天華說：「好多人睇過Laughing哥後，我諗都唔會有人搵我再做路人甲
乙丙的角色，如果因為咁畀自己好大的壓力會好無謂，亦都會影響演出，我反而期待跟
唔同人合作，睇纒有邊個想試纒用謝天華。」
Laughing哥令謝天華登上高峰，問到有否期望會在台慶頒獎禮中獲獎？他說：「網上已
有好多網友支持我，話應該要在頒獎禮中獎，我睇到都好開心。始終《學》劇在年頭播
出，之後仲有好多劇集出街，可能有角色一樣咁受歡迎，我唔敢希望觀眾會一路記得
Laughing哥，但如果真係一路都記住我已經當係獲獎，觀眾的認同先係最重要。」由跳
舞、拍戲再到做電視，天華坦言暫沒有遺憾，他說：「『風火海』之後大家都唔同的際
遇，我比一般人幸運，遇到珍貴的機會，唔係個個人都有好角色去做，所以我每次都好
珍惜，唔想浪費機會，如果自己錯失了我會怪自己的。」至於會否重返影壇拍電影，天
華則有保留說：「在香港開戲拍片受限制的因素太多，自己唔心急，唔係話謝天華想開
就開，自己會期待拍戲但唔刻意，始終開戲要好多人力物力。」
與小春Ｊason情不變
生長於大家庭的天華，家中有九兄弟姊妹，他排行尾二，訪問當天正是天華媽媽的生
辰，一家人會同老人家食飯慶祝。他說：「細個時會嬲爹Ｄ媽咪，因為最錫細佬，會怪
佢懐成日唔理我，長大後就明白父母的辛苦，人愈大反而愈錫佢懐，加上我們細個捱過
窮，兄弟姊妹之間的感情很好，唔會因為錢嗌交反面，呢種親情我會好好珍惜。」至於
友情方面，天華稱與陳小春、朱永棠（Ｊason）雖不常見面，但那份感情依然在心。他
說：「我知小春常在內地開工，Ｊason則在澳門發展，早前我有官非都收他們的短訊問
候，雖然我們少見面，但一句說話就已經很足夠。」
警署補拍資訊性片段
日前天華到灣仔警署補拍《學》劇戲分，隨即惹來Laughing哥死而復生之說，又指會
開拍《學》劇第四輯，天華澄清道：「到呢一刻公司都無講過開第四輯，始終係言之
尚早，開劇要考慮好多因素，資料搜集也要時間吧。觀眾的要求可以理解，佢懐鍾意
《學》劇希望系列可以延續落去。」到底Laughing哥在劇中的最後結局如何，天華堅
持不肯透露半句，他笑道：「呢排好多人都問我結局，我真係一個人都無講過，連阿媽
都唔知。當日去灣仔補拍只是認同番Laughing哥係警察的身份，同埋拍番一些資訊性片
段。」正如天華先前所講，《學》劇成功之處就是不洩露半點劇情，令觀眾有意欲一直
追看，Laguhing哥才會深入民心，令人難忘。
後記：
訪問在餐廳內進行，有不少客人遇見天華，即興奮地嚷覑要與Laughing哥合照，雖然打
斷了訪問一陣子，但天華毫不介意逐一與他們影相留念，不但沒有擺出大明星的架子，
更笑言Laughing哥令他多了一大班男Fans。
＜統籌＞林爽兒
＜採訪＞達里
＜攝影＞吳國明
＜化妝、髮型＞Chris Chung
＜場地提供＞Dap Restaurant @ QRE Plaza
（Tel：25723228）
http://www.singpao.com/NewsArticle.aspx?NewsID=8613&Lang=tc
--
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
＊樂天天王--古天樂 楊光大少--張智霖 天地傳奇--羅嘉良＊
＊亦邪亦正--江 華 絕世神捕--陳 豪 俊逸型男--方中信＊
＊氣質靚女--楊恭如 金牌冰人--張可頤 才貌雙全--郭羨妮＊
＊黃金潛艇--廖于誠 強打少年--陳冠任 勁力十足--王勁力＊
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
--
▎◣˙◢◣˙◢▉ 情報員標號:218-165-106-169.dynamic.hinet.n ▉├┼┤ ▉ ◤
▎◥ ◤▉ 隸屬★單位:中央情報局 (cia.twbbs.org.tw) ▉╰┼情局▉ ◣