虎年上位 爆姐仔批踭賤招　沈卓盈：佢撞到我出鏡

FACE周刊第143期  http://bbs.ent.163.com/bbs/tvb/167127752.html

TVB腿神
上年《古靈精探 B》跳鋼管舞一幕令 Jess成為熱門搜尋， Jess話：「我為咗嗰場戲，我
真係出去搵教練單對單學咗成 5千幾蚊。」好專業喎！

由《放學 ICU》到《最緊要正字》，沈卓盈 Jess姐姐嘅聖女形象，早已儲落一班粉絲。
聖女變辣妹， Jess姐姐喺《古靈精探 B》鋼管舞演出，同早前喺公開活動?身玩呼拉圈，
盡騷 33C上圍同 42吋長腿，成為網友近期最愛。

不過宅男女神唔係女人蜜糖， Jess自爆拍劇時，曾俾某二線女星搶對白、仲被批踭批出
鏡。入行八年嘅 Jess家陣就話：「我?家唔會咁易俾人蝦！」

02年選「 TVB Cover Girl」入行嘅沈卓盈（ Jess），今年 28歲，一直做密實乖女。自
上年轉走索女路線即成女神，早前玩呼拉圈， 33C上圍、 42吋長腿，連同場嘅警鐘胸
 Jessica C.、翻版 Chiling（林莉）都被比下去，成為網友寵兒。

姐仔明恰

雖然成為宅男女神，不過入行 8年嘅 Jess，雖則未曾擔正，但亦受過其他姐仔欺負。本
週三（ 10日） Jess晒住長腿接受本刊訪問時就透露：「我記得有次拍劇，同導演排戲嗰
陣，嗰位女演員只係喺原位做戲，但到正式拍嗰陣，嗰位女演員就搶咗我嘅對白講，之後
仲食埋我位，再順勢批踭埋嚟，搞到我完全俾佢遮住，仲撞到我出鏡！我當時都唔知點算
好。」

長興出手

雖然 Jess被人批踭食位，好彩當時有位同事出手相救。腿神話：「嗰場一拍完，有位前
輩即刻出聲，導演亦肯重新拍過。不過嗰位女演員仲黑我面。」姐仔爭上位各出奇謀，
 Jess表示：「我知係有好多捷徑上位，行快啲。雖然我知，但我唔會做。我淨係會做好
自己，?家唔會咁易俾人蝦咁囉。」不過邊個做白武士， Jess死都唔講，但據知呢位仁兄
原來就係黃長興。長興在電話中對本刊說：「係咪我，真係唔記得，不過我見到正確嘅事
，我就做，我唔怕！」好 man呀，衰在腿神一早有富貴男友啦，唔係長興可能有機 o架！

古靈精探 B第 16集

沈卓盈自爆於拍劇時俾人批踭、搶對白，最後有人挺身而出。不過死都唔肯講係邊套劇、
邊位 artist，但本刊訪問過黃長興佢就冇否認自己做英雄，而且仲話：「我認為正確嘅
嘢就做，我唔怕。」假設長興講嘅係真，咁好大機會係……

劇中飾演 Icy姐姐嘅沈卓盈忽然着到超性感出席郭晉安等人的派對。

之後沈卓盈坐在黃長興、陳美詩之間，其間 Jess被陳美詩迫得縮埋一嚿。

被人迫埋之後，下一場戲就係沈卓盈索爆鋼管舞。