› 精華區beta HK-drama 關於我們 聯絡資訊
作者meihome ( )
看板HK-drama
標題[新聞] 陳法拉　女神嘅教室
時間Wed Sep 30 10:14:47 2009
陳法拉　女神嘅教室 本新聞轉貼自：Face周刊 http://bbs.ent.163.com/bbs/tvb/152869764.html (有圖!) 一樣笠假髮，電視觀眾以及網民，對胡杏兒和陳法拉的反應，簡直兩極。 《烈火雄心 3》的胡杏兒，在各大討論區都是被圍攻對象，假劉海假睫毛被網民爆粗鬧插 得死人；《有營煮婦》的陳法拉，不對稱冬菇頭師奶讚可愛，永遠戴眼鏡包到實，亦無損 從比堅尼亮相《師奶兵團》和《溏心風暴》建立起的性感索女形象，繼續做高登巴打心目 中的女神。 不公平，但這就叫觀眾緣。 27歲的陳法拉，成都姑娘移民到美國， 23歲回流香港參選華裔小姐選舉， 34-24-34魔鬼 身材搭電力十足梨渦淺笑已經殺死人，養眼軀殼下更藏着好頭腦，是在美國 top 10名校 Emory University商學院畢業的全獎學金高材生。劇集一個接一個，又在大銀幕做完 Laughing嫂，法拉還是說，不做娛樂圈自己亦大把就業選擇。 法拉的選擇，第一個，可能是開班做補習天后，課題叫「如何做女神」。 「我覺得香港嘅女仔好得意，梁洛施生 BB，個個都話：『佢就叻啦！搵到個咁有錢嘅， 仲生埋仔添！』我覺得好可惜喎，梁洛施做戲咁有天分。乜女人嘅成就就係搵到有錢佬咩 ？靠自己唔係會更開心咩？」 第二個，還可以嫁人，比如對法拉一條心的 Neway太子爺薛世恆。 女神的第一課，裝備好自己，選擇自然多，講嘢都可以大聲啲。 各位港女，學嘢啦！ 第一課：變靚咗 陳法拉扮 Miss拍照的消息在公司裏傳開後，各級男同事跨部門趕來欲睹法拉制服誘惑， 睇完又睇、讚完又讚。睇咁嘅勢，我估陳法拉有朝一日若真的開班，港女未報名，名額已 經被萬千高登巴打和宅男通宵輪候超額認購。 「由細到大，我都唔覺得自己靚， 14歲以前，跟住爹哋媽咪四川、上海、北京周圍住， 媽咪又從來唔係攞買粉紅色裙仔畀我嘅人，屋企得一條裙去飲嘢，唔只冇人讚過我靚，我 太男仔頭，玩得又癲，老師仲成日投訴爹哋我女仔人家太污糟， 10隻手指甲綑晒邊添。 「 14歲以後，移民去美國喬治亞州，當地華人少，外國人更加唔會覺得我突出，我又冇 乜人追。 19歲第一次參加 Asian American選美，都係貪佢有幾千蚊獎金又有得免費去加 州玩，最主要係想攞多個經驗。點知贏咗冠軍，咦……贏咗即係靚啦，嗰陣至知，原來有 人認同我嘅外形。」 驚死蝕底、死都要扮純情的娛圈木頭美人我見得多，我很意外，訪問這一天，陳法拉見到 這套心口低開短裙 Miss裝束，了解清楚概念主題就二話不說穿在身上，自動波靠在書嗰 邊繑腿扶眼鏡框。用不着夾胸＊身擘大對腳，自自然然已經達到調皮性感又不低俗的境界 ，一個字，簡稱「姣」。 「入行咁耐，俾人講『姣精』、『咪精』咁耐，講真，我唔介意。我唔係香港土生土長， 個『姣』字，老實話，我始終搞唔清楚含意，我當係讚我靚啫！三點式，劇情需要我就會 着。我唔識賣弄性感，係娛樂圈氣候睇『性感』呢兩個字太重，唔見得觀眾就真係咁鍾意 睇。」 個「姣」字，我當係讚我靚啫！ 入行年半， 07年就憑《舞動全城》獲得「萬千星輝頒獎典禮」最佳女配角大獎，擺明獲 無綫力捧。 第二課：做好嘢 陳法拉在四川成都一個音樂世家出生，祖父祖母已經是知名的聲樂老師，父親和母親亦在 成都音樂學院教鋼琴和中國舞。按照族譜，法拉這一輩中間要是法字，教聲樂的祖父於是 給她改名叫法拉，意思簡單，就是「 Do、 Re、 Mi、 Fa、 So、 La」的「 Fa」和「 La 」。 「我喺成都出世，不過好少 stable住喺一個地方，媽咪喺北京讀書，一時又去上海探吓 爺爺， 14歲全家移民去美國。我 6、 7歲已經一個人坐飛機、坐火車穿州過省探媽媽、 探爺爺。我覺得我爹哋媽咪好叻，佢哋錫我，但係好識得放手，所以我至會咁獨立，去到 邊做乜嘢，佢哋都好放心。」 全家藝術家，法拉說父母最清楚做藝術工作有多辛苦，本來滿心希望女兒學業有成，打份 穩定嘅工。 「我讀書幾 ok，美國嘅書講真都幾易讀。 High school我係成績最 top嘅榮譽生畢業； 大學，我喺全美國 top 10嘅 Emory University商學院讀 business，三年半畢業，一直 攞獎學金，唔只冇用過爹哋媽咪一毫子，我仲有打工有做助教，賺到零用錢有凸添。選美 ，爹哋媽咪諗住我玩吓，冇以為我會當成事業。講真，我有好多選擇，畢業後好多大公司 嚟學校招人，我都 interview緊幾間，好多同學做緊添。不過公司愈大，工作分得愈細， 想像得到日日坐 office有幾悶。嗰一年選完華姐（當選 05年華姐亞軍）， TVB搵我簽約 ，我覺得做呢行我更有興趣，爹哋媽咪永遠 open minded，相信我嘅選擇。」 在《有營煮婦》裏笠假髮扮記者妹，傳媒、網民一致好評，讚法拉髮型可愛、廣東話亦愈 講愈正。 《 Laughing Gor之變節》全台小花有份做， Laughing嫂卻只有一個，可見陳法拉幾得樂 易玲寵。《忽然 1周》圖片 處女劇《師奶兵團》就三點式上陣用搽油為藉口勾人老公，姣到骨子裏的法拉從此成為網 民女神。 執到支好籌的法拉從不浪費機會，勤學手語演《家好》啞女慶，觀眾緣自此愈來愈好。 第三課：學精咗 剛加入電視台，連師奶劇都下下比堅尼上陣，《師奶兵團》勾人老公，《金石良緣》為錢 勾佬，加上鄉音未改，進取勢利大陸妹形象深入民心。樣靚身材正，大條道理靠樣搵食， 換咗第二個，何須執着。陳法拉偏偏請私人老師、每日讀報逐粒字糾正讀音，再學唱歌跳 舞力證，自己也能扮樸素啞女、演男人婆記者妹。 「唔係我唔衰得，係想做好啲。責任嚟o架，一套劇有幾百萬人睇，我嘅角色係廣東人， 點可以有口音呢。嚟到香港，聽過好多人講『求其啦！得啦！演員唱到咁算係咁啦！新人 o架嘛！』……好多藉口。啱啱入行第一年中秋登台，唱〈但願人長久〉，我唱錯歌詞， ＊＊＊咁過骨，仲打電話畀爹哋講笑，覺得自己好醒。當時爹哋冇出聲，但係第二日 send咗個好長好長嘅 email畀我，話我作為一個演員，上到台，任何錯誤都唔可以有。 更何況〈但願人長久〉係一首名詞，一個字都不能改。爹哋媽咪都係做藝術工作，佢哋對 自己要求好嚴格。嗰次之後，我明白應該要專業，對自己嚴格，最後得益嘅都係自己。 「我嘅缺點，硬頸囉。喺美國，我唔知硬頸都算缺點，來到中國人社會至發現。中國人口 講『唔緊要嘅！』其實個心不知幾緊要。連食餐飯，人人話：『食啦！食啦！你食先啦！ 』結果都係冇人郁，個個等人起筷先，我咪知，噢，唔係想做就做，想講就講，太直會出 事囉。慢慢個人會學精咗，至會撞少啲板。不過，入咗娛樂圈，都唔代表就要冇咗自己。 勤力同做好本分，對人又對得住良心，怕咩俾人寫？」 中國人口講「唔緊要嘅！」其實個心不知幾緊要。 05年代表紐約參選華裔小姐競選，雖然屈居李亞男（中）之下當選亞軍，入行發展，法拉 贏 9條街。 17歲初戀的法拉說，自己是個長情的人，入行後即被爆與 Neway太子爺拍拖，至今感情穩 定。 女神 嘅功課 一聽說陳法拉應邀接受專訪，平時與法拉常打交道的本公司追蹤組同事勁呻當事人超難跟 蹤，並且常常大量反偷拍各報刊雜誌追蹤組，相片用途成疑。 「係呀，我有個 folder專 save自己影落狗仔隊嘅相，用嚟認清楚佢哋嗰樣同車牌、車款 。其實唔係我難跟，係佢哋太易俾人發覺。我又特登睇咗本美國前任 FBI寫嘅反跟蹤書， 你哋同事都應該睇吓。」 女神做足功課才出街，多謝指教！ 撰文：朱小博 攝影：林子賢 化妝： Annie.G Chan 形象： Bryan@the Flaming 服裝： BCBGMAXARZIA， Rose& Crown -- ※ 發信站: 批踢踢實業坊(ptt.cc) ◆ From: 203.64.246.10
推 bigalow:女神 女神 女神 女神 女神 09/30 10:31
推 marochen:佢的背景和葉璇真是有啲似喎 09/30 10:59
推 marochen:難怪之前的討論串有人話過Fala的感覺有點像葉 09/30 11:04
推 helen123456:我是從家好對她改觀的,覺得這個女仔很可愛 09/30 11:15
推 joycemei:我覺得她的觀眾緣是從家好才開始出現的~我也知看阿慶之後 09/30 11:19
→ joycemei:才開始覺得她不錯~ 09/30 11:20
推 SmartDola:我單純覺得她很漂亮所以很喜歡她XD 我也很喜歡胡定欣 不 09/30 11:31
→ SmartDola:知道為什麼 我心裡都會把她們兩個連在一起 09/30 11:32
推 steelsnow:從家好改觀+1 現在好喜歡她~ 樣靚身材正 頭腦好 09/30 12:47
→ steelsnow:天份高 又有上進心~哎唷怎麼有這麼優秀的人啊o(＞＜；)o 09/30 12:48
推 mandy1121:他一開始演壞女人 我就覺得他正翻了！！ 09/30 12:59
推 Monoprix:第一張圖真的... good job! >///< 讓我想到..... 09/30 15:03
推 SmartDola:第一張圖好有幻想 她在師奶裡的Angela就很漂亮了 從頭漂 09/30 15:16
→ SmartDola:亮到尾 連得愛滋都很漂亮>////< 09/30 15:16
推 akane20050:我也是從家好改觀~相對的胡杏兒也沒有我的眼緣 09/30 16:51
推 joycewanga:我在《師奶兵團》就迷上她了 《舞動》也討厭不起來 09/30 17:44
→ joycewanga:另外，安琪拉沒有得愛滋，是另外的性病 09/30 17:44
推 SmartDola:我果然記錯了XD 我還在疑惑她是不是真的有得病 09/30 17:46
推 firewolfer:其實法拉與杏兒都很努力, 不過為甚麼編劇老是惡整杏兒? 09/30 19:07
推 hunghungar:是杏兒把角色演壞還是角色令杏兒壞了呢?? 09/30 22:18
→ firewolfer:若只提烈火三, 其實誰去演都會囧的吧? 10/01 03:19
推 joycemei:但胡的觀眾緣不好這件事~不是從烈火三才開始了吧~所以h大 10/01 09:03
→ joycemei:說法我滿認同~遇到不討喜的角色和胡演技本身都有關係吧 10/01 09:04
→ joycemei:應該是說~不可能每部戲的編劇都在故意嚇整胡~畢竟其實高 10/01 09:13
→ joycemei:層一直都對胡不錯~可能是上位速度太快演技沒有成長那麼 10/01 09:20
→ joycemei:多到足以讓人服氣吧... 10/01 09:20
→ welly0923:不過我怎麼一直覺得陳法拉的磨菇頭是歪的? 10/01 09:41
→ skob413:那短髮應該是故意剪成不對稱的! 不是歪的!! 10/01 13:13
→ Monoprix:故意不對稱+1..... 10/01 13:23
推 bigalow:之前我一個表妹也剪了這種髮型 我第一反應就問她說 10/01 14:22
→ bigalow:你頭怎麼歪掉了 10/01 14:22
推 ilsyz123:推h大 即使角色相似度很高但依舊不覺得她有一次比一次好 10/01 16:59
推 shrektai:推法拉!!! 10/01 20:13
推 sunrise20:正 我喜歡 10/02 18:28