新一屆香港先生，離不開滿足女性感官刺激這度板斧，邊看邊罵的我，反而懷念當年
乳臭未乾，專注地展示八級鋼琴造詣，那個髮尾微濕的美少年高鈞賢。
「其實我運動最叻，你叫我表演入樽都得，但我覺得香港Ｃulture傾向Ｂuy含蓄少少
的男仔，我想Ｄevelop一個文質彬彬的形象，彈琴始終佔優。」
終於招供了，在大學主修Ｍarketing的高鈞賢，很明白市場需要，他不會跟我說當年
參選是陪朋友玩玩纒，目標明確不過，「我是處心積慮入娛樂圈。」
無需轉彎抹角，曾被吹捧成港版木村或阿Rain，試過一夜成名同樣坐過冷板苐，剛拍
完李添勝新劇做第二男主角，
第一日入廠便創下NG 80次紀錄。
「我知好多人睇死我。」他緊握拳頭，不服氣。
他不忿，我更不忿。
只記得那屆港男人人除剩條三角泳褲，只有高鈞賢一個捍衛那件貼在心口的濕透白恤
衫。
「唔係咁點會贏喎。」他怕怕醜醜。
各位在包廂上尖叫的中女名媛，係咪仲好軲？
高鈞賢來到影樓，惹來一陣哄動，各部門女同事蟻嬲蜜糖要求合照，情況就如中學時
的籃球隊隊長，永遠有一堆小花柴娃娃拱照。
隨行的男髮型師跟我說：「同佢出街，行兩步就要停，好多女仔搵佢簽名影相。」
高大靚仔，似乎具備了所有走紅的條件，但事實是怎樣，高鈞賢心知肚明。
兩年前當選香港先生，有人批評他脂粉味重，名副其實女人湯圓。
是的，官仔骨骨的高鈞賢，沒有大隻佬Ｒocky的六舊腹肌，又不及來自法國強項跪
地的黃長興風度翩翩，「我知好多人唔鍾意我，覺得參加香港先生，感覺好——『
基』。」原來，他自己都頂唔順。
80年代出生的黃毛小子，要✈起「香港先生」四字，畢竟太沉重。
死唔剩
快：不想別人記得你是香港先生？
高：不過是個入行途徑，我是第一屆，永遠有人記得，心底是想淡化這形象，聽到別
人嗌我「高鈞賢」會開心過嗌我做「香港先生高鈞賢」。
快：再來一次，寧願揀第二個途徑入行？
高：近幾年娛樂圈市道唔好，換轉是十年前任何人出碟都大賣的年代，我一定會揀簽
唱片公司，但現在的唱片公司都沒資源捧新人，參加香港先生會比較穩陣，在電視台
由低做起，總好過出完一隻碟就冇影。
快：當看見女評判個個像餓狼，會難堪嗎？
高：我在加拿大讀Ｍarketing，參選前已知道個節目想Sell乜，心想如果我做齊所有
女士Expect的原素，反而唔突出，泳褲那Part人人除衫，我死都唔剝，唔係擔心自己
唔夠人大隻，是想與別不同。
快：天才表演彈鋼琴也是部署？
高：其實我運動最叻，你叫我入樽都得，但我覺得香港Ｃulture傾向Ｂuy含蓄少少的
男仔，我想Ｄevelop一個文質彬彬的形象，彈琴始終佔優。選香港先生，除了個殼都
要有內涵，裏面有特質令人欣賞，發展會長線少少，我的目的都是想入行。
快：覺得自己靚仔，紅梗？
高：我從來唔覺得自己靚仔，是有Ｃharacter，只是擔心太細個，人懐會覺得我✈唔
起「香港先生」個Ｔitle，當選那刻真是有點飄飄然，以為自己得鰦。
跌得快
得鰦，就像維港上空的煙花，一瞬即逝。當選未夠兩個月，經理人即為他組Fans
Club，所有偶像必備的配套他都有齊。
過五關斬六將扑中個第一屆香港先生銜頭，以為就算做唔成萬人迷，好歹也分到一個
半個主角做，最終換來的卻是行行企企的閒角，在大騷扮女人，怎不教人意志消沉？
成長，從來不容易。看眼前苦練肌肉令自己變得更Man的高鈞賢，也慶幸當初沒有一
朝得志語無倫次。
快： 希望愈大失望愈大？
高：一彈起之後就Expect好多№，心想我係冠軍喎，一定有大把工作安排畀我啦，估
唔到真係會冇工開，ＴＶＢ咁多演員，冇鰦我都一樣照運作。
快：跌得咁快，心理上如何過度？
高：最慘是出街人人認得，而我又好清楚自己真係冇工開，起初是埋怨，後來想清楚
紅唔起總有原因，知道自己唔夠大隻，日日去跑步做Ｇym，ＴＶＢ主要是拍劇，但我
個樣咁細人懐可以畀咩角色我做呢？真係好想搞殘自己變成廿七八歲的樣子，起碼襯
到班姐仔，不會似小弟弟。
快：最霉那期，樂易玲都召你傾偈？
高：樂小姐好照顧她簽回來的人，那一排我好靜，她召我返公司傾，一入房個心就好
驚，記得她跟我說：「新一屆香港先生快選了，你再係咁好快被淘汰，你太斯文了。」
她像我媽咪，有錯就鬧。
快：第二屆香港先生衛冕失敗，在幾百萬觀眾面前黑面，不服輸？
高：那次是我練了一個月HipHop，正式比賽因為個台太滑失手，不服氣是不能將最好
一面Show給觀眾看，其實那次輸了幫了我很多，如果我再贏，憎我的人會更憎我，現
在反而博到同情分。之後監製找我拍《肥田囍事》，《舞動全城》又同徐子珊一Pair，
剛拍完的《幕後大老爺》更是第二男主角，真係好難得。
捱出來
還以為帶點少爺仔傲氣的高鈞賢出身富裕，原來也嘗過苦頭，七歲移民加拿大法語區
滿地可，被鬼仔聯群結隊排斥，幾年後移民到多倫多北部，一返學就有鬼仔拎住把刀
仔撩交打，三年前回流香港一心做大明星，簽了模特兒公司卻接不到Ｊob，冇錢使試
過在Ｃoffee Shop做侍應、在商場Sell電腦。幸運，從來不是天掉下來的。
快：離開父母回港發明星夢，值得？
高：返香港住在親戚天水圍屋企，每次Ｃasting車錢都要四五十，非必要連街都唔敢
出。起初覺得自己可以做一個好成功的Artist，事實是連Ｍodel Job都接唔到，維持
生活惟有搵工；是想過放棄，在加拿大我有車有女友又有一大班Friend，返到鈬乜都
冇。
快：該有十萬個理由要你返加拿大，為何堅持？
高：細個移民去滿地可，成班鬼仔圍住我撩交打話『Chinese Kungfu Yoyoyo！』
我都忍得，那時開始被訓練成好容易適應環境，華人社會照計難唔到我。沒錯我中途
返加拿大續車牌，是好想唔返來但最後都上了機，記得上機那天我生日，我在飛機上
許願今次一定要成功，神奇是轉機時Ｃheck Email，模特兒公司話我知成功接到個銀
行廣告，一星期後公司就提議我參加香港先生，個天是要你捱過，幸運及機會才會來。
我的驕傲
見過高鈞賢心灰意冷，未見過他流馬尿。
「講你知我睇《下一站天后》我喊，因為感受到阿Sa由細到大都想做歌手，但最終只
可以做幕後代唱的感慨，你唔好笑我喎。」你我眼前五官雕出來的香港先生，其實不
過是23歲的仔，衛冕失敗時會臉如死灰，感動時會眼濕濕，被睇死時更加會一輪嘴發
炮。
「第一日拍《幕後大老爺》已經有幾頁字對白，我中文唔好，緊張到連鲻覺都攬住鱓
稿，明明背到好熟，埋位時個腦一片空白，那場大大話話NG了80次，我知道企鰠後面
好多由訓練班做起的茄喱啡都睇死我，肯定他們想我死，我唔輸得，但好驕傲係最後
都拍完套戲。」
小生哥仔帶我遊花園，一字一句都想過度過才宣之於口的訪問做得多，像高鈞賢般心
直口快，這份少年輕狂份外珍貴。
還是真心話動聽。
李添勝是高鈞賢口中的恩人，「估唔到佢咁大膽搵我做第二男主角。」
當年在加拿大選Sun Shine Boy 的海報，真夠薯仔嗲。
問他圈中女性朋友多不多，隨口數得出葉翠翠沈穎婷朱凱婷袁彌明等，原來自小已有
異性緣。
童年的高鈞賢，已有一雙電眼。
當年選香港先生濕身穿泳褲，打死也不肯除那件多餘的恤衫。
上屆跳Hip Hop 挑戰衛冕失敗，輸給黃長發該是大會安排。
落敗那一刻，在幾百萬觀眾前黑面，這才是真性情。
～摘自４６９期快周刊～
http://www.xpweekly.com/common/content.htm?link=xpweekly/0469/ent/20070814
--
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
＊樂天天王--古天樂 楊光大少--張智霖 天地傳奇--羅嘉良＊
＊亦邪亦正--江 華 絕世神捕--陳 豪 俊逸型男--方中信＊
＊氣質靚女--楊恭如 金牌冰人--張可頤 才貌雙全--郭羨妮＊
＊黃金潛艇--廖于誠 強打少年--陳冠任 勁力十足--王勁力＊
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
--
▎◣˙◢◣˙◢▉ 情報員標號:220-142-112-53.dynamic.hinet.ne ▉├┼┤ ▉ ◤
▎◥ ◤▉ 隸屬★單位:中央情報局 (bbs.e-cia.net) ▉╰┼情局▉ ◣