吳美珩女人唔易做                    (太陽報)

柔弱、怕事、缺乏主見的「高Ling」，現實中卻是爽朗、硬淨、獨立自主，戲戲外，不
一樣的吳美珩！對家庭、事業及將來，卻是一樣的心情—平常心。懂得感恩，自會領略知
足常樂的真諦。

吳美珩一向予人女人味極濃形象，但訪問當天，她多次叮囑髮型師不要把頭髮弄得太鬈曲
，免得感覺太女人。

就是這樣，人人以為她喜歡穿裙子，如「高Ling」愛依偎男人的女人；但現實中的她卻是
個愛衣櫃裙與褲比例是1：3、愛看賽車、美式足球的硬朗女子。「我其實係Hillda姐！
」吳美珩說。

入行十年，除了去年下嫁富商王華麟外，吳美珩在娛樂圈一直風平浪靜，無甚緋聞。近日
她被雜誌寫成「個半鐘使十萬」的富太。女人唔易做，名太更加唔易為。

名牌買得起有餘

對於豪花十萬傳聞，柔和的她語氣即時變得強硬，大抵最令她憤憤不平的，是被形容得像
無自立能力，是一個要靠男人的女人。

「十年前係兩萬蚊人工，十年後係咪仲係兩萬蚊！我一年做百幾個騷，係咪連買一件名牌
衫都買唔起。一講到我『身邊人』，傳媒就將我變成小女人，好似好弱好依靠咁，講到我
好似唔識賺錢只識花錢嘅女人。自問我係一個獨立而且有能力嘅女人，唔該唔好成日將我
同另一半放埋一齊講。」

感情留私人空間

不肯公開承認結婚，正是不想「身邊人」從此捲入娛樂圈。她說：「唔講唔係擔心影響事
業，而係『身邊人』唔屬於娛樂圈，唔想佢因為我成日出現喺娛樂版，對佢有啲尊重。有
人喜歡滔滔不絕咁講感情事，但我唔係，希望大家留番啲私人空間畀我。」

戀人唔要細佬款

《女人唔易做》與林峯演活「姊弟戀」，現實中的她也曾被年紀小她四年的男孩追求，不
過這段感情未開花，就被理智的吳美珩拒絕。她說問題並非出於年齡差距：「年齡唔係大
問題，戀愛最緊要開心，有時唔需要太理智。但我本身較為成熟，對方性格比較細路仔，
一交往就知唔夾，所以斷然拒絕，無非唔想秃大家時間。」

雯女好比一面鏡

曾幾何時，她也憂慮女演員在電視台壽命是否有限，直至遇上拍檔鄧萃雯，才有一番新體
會：「從雯女身上睇到女演員壽命係可以咁長，唔一定過三十歲就要做阿媽角色。只要不
斷有進步，一定有個位置可以容納到你，從雯女嘅經歷，我尋找到一個正面訊息。」

獨立12歲開始

吳美珩有兩姊一妹，她排行第三，幾姊妹都是很獨立的事業型女性。母親是她們自主女性
的典範，年輕時便離鄉別井出城求學，最終成為大學生。為培育女兒獨立，12歲時母親便
放手由她自主。美珩16歲便做暑期工賺錢，24歲經過家庭會議全體通過，便決定來港參選
華姐。

後記：明日恩典

入電視台，吳美珩沒想過當一線花旦，問她何解？她說：「我起步比人遲，又冇乜特別新
聞，所以一開始就冇奢望要做花旦。今日去到呢個成績唔覺係遲來嘅春天，因為我份人鍾
意一步一步嚟。其實我都好幸運，唔係個個付出100%都有同樣收穫，大把人做得更好，但
至今仍然在等機會。」有事業又嫁得如意郎君，一個令人羨慕的女人吳美珩說：「我好感
恩！」

22/05/2006 文： 周鳳儀