張繼聰阿叔冧死美少女

http://bit.ly/1HmciKU

藝人張繼聰（Louis）於之前播映的劇集《四個女仔三個Bar》中角色雖然平實，但其魅力
沒法擋仍吸引着劇中四位女位美女陳凱琳、陳瀅、劉佩玥和何雁詩，她們更組成「張繼聰
後援會」成為Louis的小粉絲，他打趣謂：「佢哋係好識氹叔叔，最緊要係威逼利誘啦！
講笑啫，其實係因為拍戲成日對住，做咗好朋友，好興幸佢哋好畀面我，無覺得我好脫節
，好阿叔。」更笑言從四女身上從拾青春追回潮流：「拍完真係有好多回億。」

對演員而言，拍劇的工作屬非常忙碌，且經常日夜顛倒難陪家人，不過Louis認為與家人
相處不能用時間長短去衡量，每逢與囝囝共聚都會全程投入：「安全感唔係視乎你放幾多
時間，若果個關係係健康，即使見唔到都會好信任對方。」

而面對太太謝安琪首次擔正拍劇，Louis會放更多時間照顧家庭，分擔壓力。問他對太太
演戲的意見？他笑謂：「從來唔會畀太多意見，因為我哋做法唔同，都係抱住互相吹噓嘅
心態相處，講真若果大家個品味上面係唔同，就做唔成夫妻啦，一定係大家睇法上相似，
懂得去欣賞對方先會互相吸引喺埋一齊。」