梁嘉琪唔怕醜黐住林峯  梁麗瑩同楊怡睇牛屎

2012/08/03 東方日報

無綫藝員梁嘉琪在劇集《回到三國》中飾演諸葛亮夫人黃月英，她笑言若「盲婚啞嫁」可
嫁給孔明，絕對諗得過，因自己擇偶十分「龜速」，要長時間了解才會接受：「我好欣賞
古代嗰種長情同唔易放棄，呢個世代太多選擇，郁啲就分手。（諗太耐嚇走追求者？）都
係o架！但或者我遇到真命天子嘅話，又唔使考慮咁耐呢！」

梁嘉琪慨嘆現在太多選擇，情侶郁啲就分手。

對於與林峯演一對而被批評「未夠班」，豁達的嘉琪亦表認同，但因角色是醜女，希望外
間接受，她又笑言角色妝容未夠醜：「公司大把人靚過我，我唔介意扮醜，但今次係想着
重諸葛亮同妻子嘅感情，唔需要太誇張。」

無綫女藝人梁麗瑩（Davily）在熱播劇《回到三國》中飾演楊怡好姊妹，同是劉備府的婢
女，她表示拍攝喜劇常發生爆笑事件，現場充滿歡樂：「有次林峯講對白時甩咗鬚，大家
即刻爆笑！（佢好Chok？）都係呀！係靚仔版孔明！我又試過叫馬國明路上食包，點知講
咗『上路』，唔覺意咒咗佢。」

梁麗瑩踢爆「靚仔版孔明」林峯曾發生甩鬚瘀事。

另一日Davily與楊怡在城門水塘等埋位，竟靠睇牛屎打發時間，令人O嘴：「我哋發現有
Pat好大嘅牛屎，跟住有好多烏蠅，十分鐘後竟然『夷為平地』！」此外，對於馬國明被
指演技浮誇，Davily則力撐適合。