無綫下令情侶檔＊銀 楊怡睇錢焗哽林峯

2011/01/18  忽然一周第807期

為游說楊怡和林峯在新劇《回到三國》再演情侶， TVB向林峯傳話，提醒他開工要準時。

有六嬸和製作資源部總監樂易玲撐腰的林峯橫行 TVB，開工例遲，小生花旦避之則吉。去
年他與楊怡拍新劇《不速之約》時，經常冧廠失場，每日坐底遲到兩個鐘，除辣?同劇的
歐陽震華外，有傳楊怡向公司申請拒絕跟他合作。

不過 TVB搵錢大過天，狂谷藝人以情侶檔?銀，眼見林峯和楊怡擔正的《談情說案》大收
旺場，所以在 3月開拍的《回到三國》，要他們再以情侶檔上陣，並保證屆時會為二人以
情侶檔高價接 job。楊怡睇錢份上，惟有焗哽林峯，她向本刊明言：「我有唔開心，會同
林峯講！」

情侶檔吃香，藝人可以高價接 job， TVB不單冇打壓旗下藝人拍拖，還鼓勵假情侶扮真情
人。 TVB本來將林峯和鍾嘉欣打造成情侶檔，可惜襄王有夢嘅林峯多年來用盡法寶，都未
能奪取芳心，最後向公司提出「拆夥」。

遲到犯眾憎

之後無綫一直為林峯搵新拍檔，剛巧他和楊怡合作的《談情說案》成為去年第三高收視劇
集，平均收視有 32點， TVB決定將二人打造成熒幕情侶。 3月開拍的《回到三國》，會
以《談情說案》原班人馬拍攝，林峯和楊怡再演情侶。對於 TVB力谷二人成為情侶檔，《
回》劇監製劉家豪表示：「佢哋演情侶受歡迎，公司自然搵佢哋兩個繼續拍，其實一播完
《談情說案》，已經計劃拍續集。」

可是，自從去年楊怡與林峯拍完《不速之約》，已經怕了他，向友人勁呻不想再跟他合作
。據知情人表示：「阿怡好慘，日日開工都要等峯少，佢試過一早返工，點知等到晏晝，
 PA（助導）先搵到峯少，佢話唔舒服『冧廠』，搞到阿怡白等一場。之後阿怡同峯少傾
過，但峯少仲繼續遲到。」

由 friend到驚

楊怡和林峯同是第 13期 TVB電視藝員訓練班出身，兩人本來關係不俗，但自林峯氣焰愈
來愈大，關係已大不如前。

04年老友
04年楊怡和林峯在《大唐雙龍》初演情侶，當時林峯仍是鼻扁矇眼 pizza面。

07年變差
拍攝《溏心風暴》時，林峯開始慣性遲到，但跟楊怡仍時有聯絡，一起吃飯。

10年怕咗
去年《談情說案》收視創佳績，但楊怡和林峯在活動上交流已不多。

去年中拍《不速之約》，林峯慣性遲到，又不時冧廠，令楊怡和歐陽震華不滿。

叫價 25萬

二人做情侶檔有收視保證，接 job又叫價高， TVB知道楊怡不滿後即利誘她。知情人說：
「情侶檔出席活動、登台叫價起碼高 3、 4成，有人斟拍廣告仲和味。公司同阿怡講，會
盡力幫佢用高價接 job，又話會勸峯少執好啲時間，唔好遲到。咁阿怡都想搵錢，所以先
至應承。阿怡單飛出活動收 6萬，峯少收 10萬， TVB希望佢哋情侶檔可以去到 25萬，所
以會狂谷佢哋。」

本刊記者問楊怡拍劇是否勁受林峯氣，楊怡沒有否認之餘，更指着鏡頭認真地說：「我有
乜嘢唔開心，會私底下同林峯講！我好直，唔會放喺心。我成日都話，林峯呀，快啲啦！
又 over run啦！」

問她是否不想同林峯拍劇？她交足戲話，「嘩，梗係唔會咁講啦，我好鍾意林峯 o架！你
好似唔信我喎，等我即刻打俾阿峯，同佢講我好鍾意佢。」當問到她和林峯組情侶檔是否
貪叫價高？她直認：「係呀，我想有好多外快 job o架！」所以呢，有錢使得鬼推磨！

網友撐楊怡戀林峯

對於楊怡和鍾嘉欣兩個熒幕情侶，網友大多認為楊怡跟林峯較合襯，期待他們再演情侶。

情侶吸金價

不論是真假情侶，只要觀眾受落，叫價便可高過「單飛」 3、 4成。若果男女雙方屬同一
經理人，通常會向客戶開一個情侶價，之後各自拆賬。

林峯、鍾嘉欣
林峯和鍾嘉欣出席活動分別收 10萬和 3萬。
情侶價： 18萬

陳豪、廖碧兒
陳豪單飛收 8萬，廖碧兒單飛收 4萬。
情侶價： 20萬

陳豪、佘詩曼
陳豪和佘詩曼單飛各自收 8萬。
情侶價： 25萬

黃宗澤、胡杏兒
黃宗澤單飛收 4萬 5千，胡杏兒收 4萬。
情侶價： 15萬