林峯食錯女馬明當災

2011/03/30 Face周刊

特權人士 監製偏幫 林峯食錯女馬明當災

公司一視同仁！(真實對白)
週一（ 28日）林峯終於再開工，公子依然滋油淡定諸葛亮上身，更有服裝侍候，對於有
傳監製為佢改更期，林峯說：「冇特別優待我，公司一視同仁嘅。」

溫柔鄉是英雄塚，一向守身如玉嘅林峯，早前被雜誌爆同大陸剝衫模 36E潘霜霜親密床照
，戀情公開之餘，亦令成班林峯妹妹仔粉絲心碎。

潘霜霜今劑一炮而紅可以繼續潛水，惟獨林峯仍要為新劇《回到三國》開工，親生仔心情
唔靚，又要面對傳媒大壓力，監製即刻識做畀少爺停工一星期。

少爺有假放，不過難為同劇馬國明就要踩埋林峯嗰分，林峯偷食馬明頂。
自峯霜戀曝光後，無綫高層已密密諗計拆彈，而且成單嘢明顯有人意圖借仔上位，加上傳
媒日日跟到峯少實一實，要補鑊又要應付傳媒當然令林公子煩上腦。

做死我喇！設計對白
林峯心靈受創要攤唞，反而馬國明就要孭住一袋二袋扮苦力，對於要頂埋林峯嗰分，馬明
說：「我唔辛苦，我反而麻煩到劇組，因為我要開埋《飛虎》，要佢哋度期就我。」

07年黎姿細佬黎嬰發生嚴重交通意外，當時黎姿仍努力撐到自己《珠光寶氣》戲分拍完先
請假。

監製下令唞
至上週三（ 23日），撞啱林峯再被爆親熱床照第二波，為新劇《回到三國》開外景的林
峯又吸引成棚記者跟實，當日無綫高層超緊張，《回》劇監製劉家豪更狂打電話畀當日導
演，交帶要睇實林公子，據劇組人員透露：「監製好緊張呀，嗰日打咗幾次電話畀當日導
演跟進班記者情況，仲話如果太多記者，唔拍都冇所謂喎！」

據知監製為避免峯哥為情煩惱又要開工應付傳媒影響心情，除用電話跟到實外，更將原定
林峯要連拍三日的外景戲分取消，之後亦暫時抽起有林峯的場口，反而同劇孭住《飛虎》
打孖上的馬國明就要捱義氣頂埋林峯停工空檔。

該劇組人員續說：「阿峯係主角，?家上面要唔拍佢住，咪馬明頂晒囉，其實阿峯都冇要
求唔開工，係班高層驚啫！」至週一（ 28日），停工五日林峯終於再開工，之前承認因
腸胃炎「甩過一日外景」的林峯，忽然轉口風話：「哦！冇，冇我戲分啫，冇特別優待我
，公司一視同仁嘅！」至於《回》劇監製劉家豪說：「冇啲咁嘅事，我覺得阿峯 EQ一流，
處理呢件事表現成熟，冇因為佢而遲開工，只係未拍到佢啫！」
兩人口供一致，保護林公子行動滴水不漏喎！

日日圍影
林峯咁大單新聞，引來傳媒追訪，就算去到偏僻嘅南生圍拍外景，依然大把人跟。難得林
峯公子仲識笑。

當日峯少離開無綫時未換衫未黐鬚，但卻中途又吹雞去食麵，之後又作主話天黑唔使拍，
威過監製。

再嚟咀相
林峯同潘霜霜第二波親熱照上週三曝光，傳聞仲有更親熱照片陸續有嚟，潘霜霜認真有計

禍水撻 Q
潘霜霜諗住靠林峯上位，原先諗住嚟香港出寫真，又諗住去北京行騷，點知有傳全部撻 Q
，爆得勁未必係好事。

唱歌落力
上週五（ 25日）原本要開工嘅林峯突然唔使返，但佢當晚出席 IFPI頒獎禮時唱歌跳舞仍
然超投入，雖然當晚照樣被人圍啄潘霜霜床照事件，但峯少說：「我唔會再睇，唔評論。
」

前輩唔敢怨
韓瑪莉︰咁多記者追住佢，畀佢唞吓都應該。
李國麟︰做到嘢公司自然會錫啦！
曾偉權︰公司呢個時候保護阿峯係應該嘅。

《三國》換晒人

《回到三國》為無綫今年重頭劇，去年年尾巳經喺節目巡禮介紹過，不過原先關羽由馬浚
偉飾演，?家變咗真係打得嘅老戲骨區瑞偉。而男主角由吳卓羲變咗林峯，女主角就由陳
法拉變咗楊怡。另有傳《三國》因資金唔夠，連 book馬都困難，但監製劉家豪說：「梗
係唔會，遲啲大把馬拍呀！」

採訪、撰文：林通賢