阿姐 36年後 再鬥黃淑儀   (壹週刊1151期)

唔係好戲，係小器！（設計對白）
King Sir話我好戲過你呀！（設計對白）

上星期五（三月二十三日），潘嘉德監製新劇《巴不得媽媽》喺將軍澳電視城進行試造型
記者會，繼 76年《書劍恩仇錄》後，隔咗三十六年再合作嘅阿姐汪明荃同黃淑儀終於碰
頭，陳年不和舊材料，依然有人追問。

同樣年過六張嘅荃姐儀姐人老精，將當年同列無綫當家花旦，爭戲爭位舊事歸入傳媒炒作
，阿姐仲補多句，話因為黃淑儀之後去咗台灣發展再移民加拿大，所以私下冇聯絡。

時間淡化往事，活動上，阿姐顧住攞 iPhone拍人自拍，又同黃淑儀搭住合照，冇事一樣
。八月就六十五歲嘅阿姐，應該好清楚，當下至重要嘅，係健康開心咁工作同生活，其他
，有乜好爭。

相隔幾十年再合作，阿姐同黃淑儀再無芥蒂，又拖又搭。

與時並進嘅阿姐，無時無刻都攞住部 iPhone，影相上載微博，有幸成為拍攝對象，羅仲
謙同黃智雯七情上面。

攞住阿姐同黃淑儀卅幾年前後生相嘅錢嘉樂爆晒光，徇眾要求要佢除咗件熒光衣。

鍾景輝今個月廿八日滿七十五歲，劇組預備蛋糕提早賀壽，阿姐第一時間埋位，幫黃淑儀
同壽星公影相。