陳豪亦正亦邪開拓新視野   2011/12/09 東方日報

http://orientaldaily.on.cc/cnt/entertainment/20111209/00282_051.html

陳豪及黃德斌主演的電視劇最近熱播，未播映前已有不少聲音輿論，不過兩位主角再三強
調劇集寫實，陳豪直言希望透過劇中與別不同的情節，能帶給觀眾一個全新的視野。

由陳豪與黃德斌主演的《天與地》具有濃厚電影色調，有別於一般的師奶劇集，第二集已
交代食人環節。雖然未有血腥場面，但意識大膽可說是挑戰電視尺度。身為主角之一的陳
豪亦認為《天》是非一般的電視劇，希望令觀眾視野更廣闊。陳豪說：「其實係有啲爭議
性嘅，不過都唔會喺呢方面着墨過重，怕令人反感，都係個氣氛比較重要。」

難分好人壞人

故事始於十八年前的食人事件，改變了劇中各主角的命運及性格。劇中形象較壞的陳豪自
稱並非奸角：「呢套劇其實好寫實，人喺唔同時候會有唔同面貌，所以呢個世界唔係非黑
即白，你會感覺到人喺唔同時候會有好多唔同選擇，係比較複雜。好人都會有衰嘢，而衰
人亦有好嘅一面。」

飾演好男人的黃德斌（右）最終有悲慘結局，亦忠亦奸的陳豪則不肯透露自己收場。

飾演好男人的德斌於劇集後段除了變盲之外，又會有一連串淒慘經歷。德斌謂：「睇到嗰
啲情節你會感受到現實嘅殘酷，有啲嘢係冇得畀你去揀！」在旁的陳豪亦稱：「其實係表
達到所有感情都會有缺口，同時又表達到最愛嘅人永遠唔會喺你身邊，嗰種無奈嘅情感會
令感覺更加強。」

音樂串連故事
《天》劇借用了著名樂隊Beyond的歌曲，令劇集更具可觀性及說服力。陳豪、德斌及林保
怡亦以「嶄新組合」合唱片尾曲。陳豪更透露劇集將會以一首歌作結：「件事由音樂開始
，再由音樂終結，係有種微妙關係，可以串連到成件事。」

兩人為演活角色，專程學習樂器增加說服力。