周麗淇爭視后諗都冇諗 黃浩然未計劃再造人

http://www.ihktv.com/after-the-war-as-niki-raymond-wong-who-re.html

周麗淇與監製李添勝惺惺相惜，添哥曾多番邀請對方拍劇，可惜因檔期問題，一直未有合
作機會，直到劇集《我的如意狼君》的出現，添哥豪言女主角非周麗淇莫屬，堅持不會換
角，令周麗淇非常感動。

周麗淇（Niki）在劇集《我的如意狼君》才首次與無綫金牌監製李添勝合作，但其實添哥
曾三度邀請Niki，最終因檔期未能配合而告吹，惟添哥一直堅持合作，Niki表示：「今次
拍《我的如意狼君》都係因為添哥一句說話，佢同我講點都唔會換人！就係添哥呢句說話
，我點都同佢拍。好多嘢係講緣分嘅，添哥咁堅持，我會好好珍惜呢次機會！」

唔恨做視后
劇中扮演女當家的Niki除了有她最拿手演出的感情戲外，反映人性的內心戲亦是演技證明
，問Niki有沒有信心憑該劇在明年的頒獎禮爭視后？她說：「自己冇諗獎項，呢樣嘢計算
唔到，拍戲都唔係為獎，係為咗畀觀眾睇。」

重質不重量
過往Niki為星途不停向前衝，現在有一定資歷，她卻坦言不想太多產，她說：「以前密密
做，依家就希望可以重質唔重量，自己亦希望抽時間去吸收新知識充實自己。」

黃浩然變「織」工送暖

藝人黃浩然愛心爆棚，早前獲慈善機構邀請擔任「春雷計劃」大使，並落手落腳與該計劃
主席周潔冰博士織毛衣送給貧困兒童，已為人父的他直言非常榮幸，希望藉此幫助貧童外
，更可為BB樹立好榜樣︰「等佢大啲，想可以同佢一齊參與慈善活動，我唔介意帶佢出嚟
！之前都有去山區探訪，雖然當地小朋友唔知我係邊個，但帶到鼓勵畀佢哋先係最重要。
」問到有否計劃再造人，他說：「想分多啲愛畀BB先。」